Erlent

Sendir hermenn til Washington

„Við ætlum að taka höfuðborgina okkar til baka,“ segir Bandaríkjaforseti, sem færir lögregluna í Washingtonborg undir stjórn alríkisins.

Ritstjórn

11. ágúst 2025 · 14:49

Birtist fyrir ári.

Donald Trump Bandaríkjaforseti tilkynnti rétt í þessu að hann væri að senda þjóðvarðliða og færa lögregluna í Washington undir stjórn alríkisins til að takast á við glæpi í höfuðborg Bandaríkjanna og „hreinsa burt“ heimilislausa.

„Þetta er frelsisdagur í DC og við ætlum að taka höfuðborgina okkar aftur,“ sagði Trump á blaðamannafundi í Hvíta húsinu. „Ég tilkynni um sögulegar aðgerðir til að bjarga höfuðborg þjóðar okkar frá glæpum, blóðsúthellingum, glundroða og vesöld og jafnvel verra,“ sagði Trump.

Trump segir að lögreglustjóraembættið í Washington, D.C. verði sett undir stjórn alríkisins. Hann vísar til kafla í sjálfstjórnarlögum District of Columbia sem veitir honum heimild til að taka yfir lögregluna þegar „sérstakar aðstæður neyðarástands“ eru fyrir hendi.

Forsetinn kveðst ætla að hreinsa Washington af heimilislausu fólki, eða „fjarlægja tafarlaust heimilislausa fólkið úr borginni og grípa til skjótra aðgerða gegn glæpum.“

Á blaðamannafundinum tilgreindi Trump fleiri borgir sem hann fullyrti að hefði háa glæpatíðni, en þær eru undir stjórn Demókrata. Hann telur upp nokkur kunnugleg skotmörk: New York, Los Angeles, Chicago. Hann nefnir þó ekki borgir í rauðum ríkjum með hæstu morðtíðnina: Memphis, St. Louis eða New Orleans.

New York Times bendir á að orðalag hans sé áhugavert. Hann lýsir sumum íbúum bandarískra borga sem „caravans of mass youth“ (lestir fjölda ungmenna). Hann skiptir út einu orði úr venjulegum árásum sínum gegn „caravans of mass migrants“ (lestum fjölda innflytjenda). Því virðist Trump vera að víkka út það sem hann skilgreinir sem ógnir bandarísks samfélags.

Washington Post segir ákvörðun Trumps vera afar óvenjulega beitingu á hernaðarmætti innanlands. Hún komi þrátt fyrir að morðtíðni hafi lækkað síðustu tvö ár í mörgum stórborgum og sé nú með lægsta móti í marga áratugi. Muriel E. Bowser, borgarstjóri Washington D.C., hefur ítrekað bent á að ofbeldisglæpum hafi fækkað síðustu tvö ár eftir aukningu í kjölfar heimsfaraldursins árið 2023.

Fyrr í sumar alríkisvæddi Trump þjóðvarðliðið í Kaliforníu og sendi þangað sérsveit bandaríska sjóhersins.

Skömmu eftir að Trump tók við völdum á ný náðaði hann hundruð manna sem höfðu tekið þátt í innrás í Þinghúsið í Washington 6. janúar 2021.

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Athugasemdir (2)

Skráðu þig inn til að skrifa athugasemd eða kjósa.

TM

Tómas Maríuson skrifaði
11. ágúst 2025 19:19

"... „caravans of mass youth“ (lestir fjölda ungmenna). Hann skiptir út einu orði úr venjulegum árásum sínum gegn „caravans of mass migrants“ (lestum fjölda innflytjenda)."
Og þannig mun hann halda áfram. Uppskriftin er að ráðast fyrst á veikasta minnihlutahópinn (innflytjendur, trans ...), svo smám saman fleiri. Á endanum uppgötvar fólkið, að allir tilheyra einum eða öðrum minnihlutahóp. En þá er það yfirleitt of seint.

3
Grétar Reynisson skrifaði
11. ágúst 2025 16:05

Alligator Alcatraz , er það áfangastaðurinn ?
Eða á kannski að láta þetta fólk „hverfa” ?

2

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

ViðskiptiFerðamannalandið Ísland

Lukkaðist loks að virkja Gullfoss

Eigendur að Gullfosskaffi hafa safnað digrum sjóðum. Þeir hófu innheimtu á bílastæði sínu á sama tíma og ríkisstjórnin kynnti nýjan náttúrupassa fyrir svæðið. Ríkið hefur lagt til meira en 170 milljónir króna að núvirði í stígagerð við Gullfoss.

Viðtal

Ástleysið er sárt

Nánd er næring, nauðsynleg eins og matur. Tæpur helmingur fólks elst upp í óöruggum tengslum sem geta komið niður á tengslum og ástarsamböndum á fullorðinsárum, jafnvel ógnað heilsu, enda er „tengslamyndun ein af grunnforsendum farsældar“, að sögn klíníska sálfræðingsins Guðbrands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ástina í öllum sínum myndum.

GagnrýniHögg

Lexíur og leikhúsið

Sigríður Jónsdóttir skrifar um Högg eftir James Graham, sem sýnt er í Þjóðleikhúsinu.

ErlentLoftslagsbreytingar

Spá „hættulegri“ hlýnun um 2,8 gráður í heiminum

Vonin um að halda hlýnun undir 1,5 gráðum frá því fyrir iðnbyltingu er „horfin“, segja Sameinuðu þjóðirnar. Skuldbindingar ríkja duga ekki til að ná Parísarmarkmiðunum.

ErlentVaxandi misskipting

Skattur á milljarðamæringa á kjörseðlinum

Kjósendur í Kaliforníu greiða atkvæði um fimm prósenta skatt á hreina eign um 200 milljarðamæringa. Bernie Sanders hleypir af stokkunum herferð gegn auðræði.

Viðskipti

Frakkar í vanda: Vextir hækka

Niðurskurður í opinberum útgjöldum er helsta kveikja mótmæla Frakka, en ófriður eykur á vandann. Vaxtaálag á Frakkland er í dag komið yfir 5 prósent í fyrsta sinn frá 2002.

Mest lesið

Mest lesið í vikunni

GagnrýniDjöflar

Hjónadjöflar

Sigríður Jónsdóttir skrifar um Djöfla eftir Lars Norén, sem sýnt er í Borgarleikhúsinu.

Aðsent

Hrafnhildur Kjerúlf Sigmarsdóttir

Ég, hóran

Fimmtíu og sjö karlmenn eru grunaðir um að hafa ekki komið ungri konu til aðstoðar þegar vinir þeirra nauðguðu henni í hópi. Hrafnhildur Sigmarsdóttir segir brandara um „hórur“ í ræktinni endurspegla sama tilkall til kvenna.

Innlent

Ísland kemur einna best út úr COVID-faraldrinum

Yfirlæknir á sýkla- og veirufræðadeild Landspítalans segir gögn sýna að Ísland kom einna best út úr COVID-faraldrinum. Annarskonar áskoranir hafa þó fylgt faraldrinum, svo sem Long-COVID og vantraust til bólusetninga.

Viðtal

„Margt sem ég hef séð situr í mér“

Þegar Halla Bergþóra Björnsdóttir varð fyrst kvenna til þess að sinna löggæslu á Húsavík fékk hún að heyra að konur ættu ekkert erindi í lögregluna. Hún lét það ekki á sig fá, varð lögreglustjóri og loks ríkislögreglustjóri. Starfið hefur breytt henni, enda hefur hún komið að erfiðum málum og fengið hótanir. Á sama tíma hefur hún öðlast skarpari sýn á lífið, sterkari löngun til að gera gagn og fundið fyrir þakklæti fyrir allt það góða.

Úttekt

Íbúum boðnar „mútur“ fyrir að samþykkja gagnaver

Andstaða íbúa stöðvaði eða tafði að minnsta kosti 75 gagnaverkefni í Bandaríkjunum á fyrstu þremur mánuðum ársins. Í Pennsylvaníu reyna íbúar að stöðva gagnaver og háspennulínu.

Viðtal

Kvíði, álag og lélegur svefn geta aukið verki

Verkir eru algengasta ástæða þess að fólk leitar til heilbrigðisþjónustunnar. Grundvallarmunur er á hvernig verkir eru meðhöndlaðir eftir gerð. Það eru þó ýmsar bjargir sem fólk hefur hér á landi til að fá meðferð við verkjum og til sjálfshjálpar.

Mest lesið í mánuðinum

Innlent

Lögreglan rukkar viðburðahaldara um tugi milljóna

Tvö lögregluembætti hafa krafið þrjá viðburðarhaldara um samanlagt 47 milljónir vegna þriggja viðburða í sumar. Viðburðahaldarar eru hugsi vegna málsins og tveir hafa kært gjaldtöku lögreglu.

InnlentLífið á Grensás

Vilja að Katla fari á elliheimili

Heilbrigðisráðuneytið hefur þrýst á að Katla Guðnadóttir, 24 ára gömul, velji sér hjúkrunarheimili til að flytja á tímabundið. Formaður ÖBÍ segir slíkar innlagnir ungs fólks sjaldnast verða tímabundnar. Katla hefur verið ári lengur á Grensásdeild en heilbrigðisstarfsfólk taldi þurfa og vill flytja heim til sín.

ViðtalLífið á Grensás

Prófaði brimbretti í fyrsta skipti og lamaðist

Wojciech Jarosz vann á Keflavíkurflugvelli en eftir örlagaríkt frí í Karíbahafinu sækir hann nú endurhæfingu á Grensásdeild í von um að geta staðið aftur upp einn daginn. Sjaldgæfur kvilli sem byrjendur á brimbrettum geta fengið olli lömun fyrir neðan mitti.

ViðtalLífið á Grensás

Snýr aftur í hjúkrunarfræði eftir heilablæðingu

Viðbragðsaðilar héldu að Björn Ólafur Haraldsson væri útúrdópaður þegar hann lá á gólfinu með blæðingu í heila. Hann var 21 árs og í hjúkrunarfræðinámi þegar áfallið reið yfir og þurfti ítrekað að leiðrétta mistök ófaglærðs starfsfólks á heilbrigðisstofnunum. Nú stefnir hann á að klára námið og koma sterkari til baka.

Stjórnmál

Sjálfstæðismenn aftur á fund bandarískra íhaldsmanna ásamt Zachary

Forysta Sjálfstæðisflokksins og Birgir Þórarinsson, fyrrverandi þingmaður, funduðu með íhaldssömum hugveitum og mæltu fyrir fríverslunarsamningi.

Stjórnmál

Fulltrúi Íslands sat áfram meðan tugir gengu úr salnum undir ræðu Netanyahu

Tugir fulltrúa gengu úr salnum þegar Benjamín Netanyahu, forsætisráðherra Ísraels, hóf ræðu sína á allsherjarþingi Sameinuðu þjóðanna. Fulltrúi Íslands sat áfram í sæti landsins. Þorgerður Katrín Gunnarsdóttir utanríkisráðherra var á sama tíma á fundi til stuðnings Palestínuflóttamannahjálp SÞ.