Fréttir

Yrði yngsti forsætisráðherra í sögu lýðveldisins

Verði Kristrún Frostadóttir næsti forsætisráðherra þegar ný ríkisstjórn verður mynduð um helgina verður hún yngsta manneskjan til að gegna embættinu frá því að Ísland öðlaðist sjálfstæði.

Ragnhildur Helgadóttir

20. desember 2024 · 15:00

Birtist fyrir 2 árum.

Nú keppast fjölmiðlar landsins við að spá fyrir um það hvernig næsta ríkisstjórn landsins muni verða skipuð. Stjórnarsáttmáli milli Samfylkingar, Viðreisnar og Flokks fólksins verður kynntur á morgun og ráðherraskipanin einnig. Ríkisráðsfundur mun fara fram og ný ríkisstjórn skipuð á Bessastöðum á sunnudag.

36 ára og sjö mánaða

Bæði Morgunblaðið og Vísir fullyrða að samkvæmt heimildum þeirra verði Kristrún Frostadóttir, formaður Samfylkingarinnar, næsti forsætisráðherra. Þá segja miðlarnir að Viðreisn muni fá bæði utanríkisráðuneytið og fjármálaráðuneytið en Flokkur fólksins félagsmálaráðuneytið.

Gangi þetta eftir mun Kristrún Frostadóttir verða yngsti forsætisráðherrann í sögu lýðveldisins. Hún er fædd 12. maí 1988 og er því 36 ára og sjö mánaða gömul.

Katrín yngst í afleysingum

En hver var yngsti forsætisráðherrann hingað til? Þeirri spurningu er ekki auðsvarað, en það veltur á því við hvaða skilgreiningu fólk velur að takmarka sig.

Að því er Heimildin kemst næst er yngsta manneskjan sem hefur sinnt starfi forsætisráðherra, í afleysingum þó, er Katrín Júlíusdóttir. Hún var 36 ára og 11 mánaða þegar hún gegndi embætti forsætisráðherra í fjarveru Jóhönnu Sigurðardóttur haustið 2011. Katrín var þá iðnaðarráðherra og gegndi stöðunni á meðan Jóhanna var í Kaupmannahöfn á fundum í tengslum við þing Norðurlandaráðs.

Yngsti eiginlegi forsætisráðherrann frá því að Ísland fékk fullveldi var hins vegar Hermann Jónasson. Hann var ráðherra fyrir Framsóknarflokkinn árin 1934 til 1942 og var 37 ára þegar hann tók við embætti. Þá var fyrirrennari Hermanns, framsóknarmaðurinn og síðar forsetinn Ásgeir Ásgeirsson, nýorðinn 38 ára þegar hann varð forsætis- og fjármálaráðherra sumarið 1932.

Þó er vert að taka fram að fyrir fullveldistímann, þegar Ísland var með heimastjórn, var einn maður yngri en bæði Kristrún og Katrín þegar hann tók við embætti. Einar Arnórsson var aðeins 35 ára og tveggja mánaða árið 1915 þegar hann varð ráðherra Íslands – en hann gegndi embættinu til ársins 1917.

Aðrir ungir forsætisráðherrar:

Sigmundur Davíð Gunnlaugsson (38 ára og 2 mánaða, gegndi 2013-2016)
Tryggvi Þórhallsson (38 ára og 6 mánaða, gengdi 1927-1932)
Sigurður Eggerz (39 ára og 3 mánaða, ráðherra Íslands 1914-1915)
Þorsteinn Pálsson (39 ára og 7 mánaða, gegndi 1987-1988)

Kjósa

Hvernig finnst þér þessi grein? Skráðu þig inn til að kjósa.

Deila

Athugasemdir

Skráðu þig inn til að skrifa athugasemd eða kjósa.

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Viðtal

Tæknistreita leiddi til skógarbaða

Shinrin-yoku, eða skógarbað eins og það útleggst á íslensku, er heiti á gagnreyndri aðferð til streitulosunar þar sem er verið að beina huganum og skynfærunum meðvitað að náttúrunni. Shinrin-yoku var viðbragð við versnandi lýðheilsu í Japan og er nú hluti af heilbrigðiskerfinu þar. Hér hafa þær Gunnþóra Ólafsdóttir og Íris Lana Birgisdóttir í samvinnu við Skógræktarfélag Reykjavíkur boðið upp á skógarböð í Heiðmörk, sem hafa þó ekkert með eiginleg böð að gera.

Pistill

Borgþór Arngrímsson

Vonast eftir bandaríska hernum

Þótt meirihluti Grænlendinga vilji ekkert með Bandaríkjamenn hafa gegnir öðru máli um íbúa Narsarsuaq. Þeir binda miklar vonir við að bandaríski herinn komi þar upp herstöð.

Innlent

Borgin vill ekki hjólabyggð og leggur til einkaframtakið

Starfshópur Reykjavíkurborgar segir það lagalega flókið og kostnaðarsamt að bjóða upp á þjónustu við íbúa í hjólhýsum á Sævarhöfða. Þá sé mögulega heppilegra að einkaframtakið taki við boltanum.

Innlent

Keir Starmer segir af sér: Stirður stjórnmálamaður sem skorti sýn

Keir Starmer hefur tilkynnt afsögn sína sem forsætisráðherra og formaður Verkamannaflokksins. Gagnrýnendur segja hann hafa frosið á milli óendanlegra valmöguleika í embætti.

DómsmálSamherjaskjölin

Ágreiningsmál fyrir dómi tefja ákærur í Samherjamálinu

Ár er frá því að rannsókn héraðssaksóknara á Samherjamálinu lauk en ekki hefur enn verið ákveðið hvort gefin verði út ákæra á hendur níu fyrrverandi starfsmönnum Samherja sem hafa réttarstöðu sakbornings.

Viðskipti

Stærsta arðgreiðslan fyrir Skólamat fram til þessa

Félagið Skólamatur sem selur skólamötuneytum mat hagnaðist um 274 milljónir króna fyrir skatt í fyrra og greiðir nú meira í arð.

Mest lesið

Mest lesið í vikunni

ViðskiptiCarbfix-málið

Skarpt tekjufall Carbfix: Launakostnaður stjórnenda hækkar um 21 prósent

Tekjur Carbfix drógust saman um rúman milljarð á milli ára. Reksturinn stendur ekki undir launakostnaði lengur.

Viðskipti

Guðmundur fær tæpan 1,5 milljarð í arð

Útgerðarfélag Reykjavíkur, sem Guðmundur Kristjánsson á að fullu, hagnaðist um rúma 2,9 milljarða króna í fyrra. Hann hefur einnig keypt útgerðina Þórsnes í Stykkishólmi.

Stjórnmál

Krefst ógildingar hvalveiðileyfis vegna vanhæfis Bjarna

Lögmaður Náttúruverndarsamtakanna hefur óskað eftir því að Umboðsmaður Alþingis taki ákvörðun Bjarna Benediktssonar um útgáfu hvalveiðileyfa til frumkvæðisrannsóknar og að atvinnuvegaráðuneytið ógildi leyfin. Bjarni hafi verið vanhæfur vegna fjölskyldutengsla.

Innlent

Segir útreikninga Morgunblaðsins út í hött

Hagfræðingar segja fullyrðingar Morgunblaðsins um að matarkarfan sé 40 prósent ódýrari en í ESB ekki standast skoðun. Kaupmáttur og verðlag séu hvor sinn hluturinn og það geti verið flókið að bera það saman milli landa.

Viðskipti

Bláa lónið og Arctic Adventures sameinast

Tveir ferðaþjónusturisar sameinast ef stjórnir félaganna og Samkeppniseftirlitð samþykkja samruna Bláa lónsins og Arctic Adventures. Ekkert varð af samruna þess síðarnefnda við Kynnisferðir.

ErlentÚkraínustríðið

Eldsneyti skammtað á rússneskum bensínstöðvum

Búið er að takmarka eldsneytiskaup við 30 lítra af bensíni á mann og 60 lítra af dísilolíu á hundruðum eldsneytisstöðva í Rússlandi. Drónaárásir Úkraínumanna hafa dregið úr olíuhreinsunargetu í Rússlandi.

Mest lesið í mánuðinum

ViðtalElsku Embla

Sáu sárin sem hún faldi

Þann 7. júní verða fimm ár liðin frá fráfalli Emblu Arnars Katrínardóttur. Andlát hennar var harmafregn fyrir samfélagið, en fjölskyldan sat eftir með sorgina. Löngu áður en Embla fékk greiningu var fjölskyldunni orðið ljóst að hún væri orðin alvarlega veik, en vegna þess hve þögul veikindin voru tók tíma að fá áheyrn. Jafnvel þá skorti skilning á stöðu barnsins, sem svipti sig lífi og var jörðuð á fimmtán ára afmælisdaginn sinn.

Innlent

Lögmaður kærður fyrir fjárdrátt úr dánarbúi

Guðrún Björg Birgisdóttir er sökuð um að hafa dregið sér hátt í 13 milljónir króna úr dánarbúi sem hún var skiptastjóri í. Lögmannsréttindi hennar eru ekki lengur virk, stofa hennar hefur verið tekin til gjaldþrotaskipta og hún tilkynnt af skiptastjóra til héraðssaksóknara vegna gruns um auðgunarbrot.

Innlent

Móðir lést í fæðingu á Landspítalanum

Ung móðir féll frá en sonur hennar dvelur á vökudeild. Fimm konur höfðu þá látist af völdum þungunar frá árinu 1981.

Úttekt

Milljóna bónusgreiðslur ofan á forstjóralaun

Forstjórar fyrirtækja sem skráð eru í íslensku kauphöllina fengu sumir milljóna króna bónusa ofan á laun sín. Samhengið á milli bónusgreiðslna og árangurs fyrirtækjanna er óljóst. Þannig fékk forstjóri Icelandair 9 milljóna króna bónus ofan á ríflega fimm milljóna króna mánaðarlaun þrátt fyrir mikið tap.

ViðtalElsku Embla

Fannst rangt að mér gæti liðið vel

Áslaug Pálmadóttir Thorlacius var fjórtán ára gömul þegar hún missti nána vini með sviplegum hætti. Í kjölfarið þurfti hún að takast á við sáran missi, flókna sorg og spurningar sem aldrei verður hægt að svara til fulls. Hún segir hér frá því sem hjálpaði henni.

Stjórnmál

Áslaug Arna hættir á þingi – fékk 3,1 milljón á meðan námsleyfi stóð

Áslaug Arna Sigurbjörnsdóttir, þingmaður Sjálfstæðisflokks, tilkynnti á Alþingi rétt í þessu að hún hygðist hætta á þingi. Hún fór í námsleyfi fyrir ári eftir að hafa tapað í formannskjöri flokksins og fékk 3,1 milljón króna í laun á meðan námi hennar stóð.