Þórdís Kolbrún Reyk­fjörð Gylfa­dóttir, utan­rík­is­ráð­herra og vara­for­maður Sjálf­stæð­is­flokks­ins, segir að hún sé til­búin í það verk­efni að verða næsti for­maður flokks­ins. „Ég er til­búin í það verk­efni,“ sagði hún á leið sinni inn á rík­is­stjórn­ar­fund fyrir stundu. Það sé í höndum sjálf­stæð­is­manna að velja sér for­ystu. Taka þurfi þó eitt skref í einu. 

„Við erum á þessum fundi að afgreiða forms­at­riði sem skipta máli. Förum í gegnum það og svo höldum við áfram,“ sagði hún um fund­inn. Hún hefur ekki áhyggjur af brott­hvarfi eins sam­starfs­flokks­ins. Starfs­stjórnin sé full­færa um að halda utan um verk­efnin fram að kosn­ingum án aðildar ráð­herra Vinstri grænna. 

Fyrr í dag var til­kynnt að Þórdís Kolbrún sækt­ist eftir öðru sæti í Suð­vest­ur­kjör­dæmi, í stað þess að bjóða sig fram í Norð­vest­ur­kjör­dæmi – líkt og hún hefur gert frá árinu 2007. Þar segir Þórdís Kolbrún að hún sé til­búin að leiða þegar Bjarni Bene­dikts­son, for­maður flokks­ins og odd­viti kjör­dæm­is­ins, hættir.

„Ég trúi því að í Suð­vest­ur­kjör­dæmi, sem er lang­fjöl­menn­asta kjör­dæmið, að þar geti ég gert gagn. Þetta eru sann­ar­lega skila­boð um það líka. Nú erum við á þessum stað að afgreiða forms­at­riði og ein­henda okkur svo í kosn­inga­bar­áttu.“

Segir hegðun ráðherra VG ábyrgðarlausa

Guð­laugur Þór Þórð­ar­son, umhverfis-, orku-, og lofts­lags­ráð­herra, sagði á leið sinni inn á fund­inn að nú væri uppi skrítin staða. Það væri með ólík­indum að flokkur skyldi hlaupa frá borði, og átti þar við ráð­herra Vinstri grænna, sem hafa sagst ekki ætla að taka þátt í starfs­stjórn undir for­ystu Bjarna Bene­dikts­sonar fram að kosn­ingum. 

„Þetta er nú ekki þannig að ráð­herra­emb­ætti séu þannig að þegar ein­hverjum dettur í hug að hann vilji ekki vera á vett­vangi af ein­hverjum ástæðum að hann geti bara yfir­gefið rík­is­stjórn­ina. Ef allir myndu gera þetta þá væri landið stjórn­laust. Þetta er með ólík­indum ábyrgð­ar­laust það sem við höfum séð og við þurfum auð­vitað að taka á því,“ sagði Guð­laugur Þór.