Sigurður Ingi Jóhanns­son inn­við­a­ráð­herra telur að stemma þurfi stigu við lóða­braski sem hefur við­geng­ist hér á landi árum saman. Í Facebook-færslu sem Sigurður Ingi birti nú fyrir skömmu sagði hann lóða­brask gjarnan leiða til hærra fast­eigna­verðs og auka verð­bólgu. Við­skiptin ein­kenn­ast af því að lóð­ar­reitir eru keyptir af ein­stak­lingum eða fyr­ir­tækjum sem sitji á þeim um tíma og selji síðan lóð­irnar á hærra verði. 

Inn­við­a­ráð­herra segir raunar að lóð­ar­reitir séu „keyptir á millj­arða króna af aðilum sem selja svo nokkrum vikum síðar á enn fleiri millj­arða til bygg­inga. Ein­stak­lingur sem kaupir íbúð á reit sem hefur lent í lóða­braski stendur uppi með ennþá hærra kaup­verð, þarf að taka enn hærra lán og afleið­ing­arnar verða enn hærra fast­eigna­verð sem setur þrýst­ing á verð­bólg­una. Ekki er hægt að kalla þetta annað en lóða­brask og hefur ekk­ert með hús­næð­is­ör­yggi fólks að gera.“

Í færsl­unni til­kynnti Sigurður Ingi að hann hafi mælt fyrir frum­varpi í vik­unni, „sem felur í sér skýran hvata fyrir lóð­ar­hafa til hefja upp­bygg­ingu íbúð­ar­hús­næðis eins og deiliskipu­lag gerir ráð fyrir.“ Þetta sér gert til þess að vinda ofan af „þessu ófor­svar­an­lega athæfi,” að sögn Sigurðar. 

Verði frum­varpið sam­þykkt á þingi geta sveit­ar­fé­lög knúið lóð­ar­eig­endur til þess að hefja upp­bygg­ingu í sam­ræmi við sam­þykkt deiliskipu­lag.

Sigurður Ingi telur frum­varpið vera „eitt af fjöl­mörgum þáttum sem geta unnið að því ásamt öðru að koma jafn­vægi á hús­næð­is­mark­að­inn þar sem miklar sveiflur hafa verið á hús­næð­is­verði og bygg­ingu íbúð.“

Í frum­varp­inu sem lagt var fyrir þingið 26. jan­úar er sveit­ar­fé­lögum veitt laga­heim­ild til þess að geta tekið upp­bygg­ing­ar­heim­ildir lóð­ar­eig­enda til end­ur­skoð­unar ef fram­kvæmdir hefj­ast ekki innan fimm ára frá birt­ingu sam­þykkts deiliskipu­lags.

Sömu­leiðis myndu lögin veita sveit­ar­fé­lögum heim­ild til þess að kalla eftir skýr­ingum frá lóð­ar­höfum ef engin umsókn um bygg­ing­ar­á­form hefur borist innan til­skil­ins frests.

Í grein­ar­gerð frum­varps­ins kemur fram að breyt­ingin sé til þess fallið að veita sveit­ar­fé­lögum laga­heim­ild til að knýja á um fram­gang sam­þykkts deiliskipu­lags og tryggja að hraði upp­bygg­ing­ar­innar sé í sam­ræmi við hús­næð­is­þörf.

For­send­urnar baki frum­varp­inu er meðal ann­ars sá að frestur á upp­bygg­ingu felur í sér mik­inn kostnað fyrir sveit­ar­fé­lögin. Þá veldur seina­gangur við upp­bygg­ingu miklum óþæg­indum fyrir fólk sem býr í nágrenni við lóðir sem til stendur að byggja á.