„Ég er í raun­inni blanda af Íslend­ingi og Pólverja. Fyrst ég hef búið hér á Íslandi, að þá finnst mér ég vera Íslend­ingur,“ segir hinn 16 ára gamli Adam Bern­ards­son, nemi við raf­iðn­að­ar­braut í Tækni­skól­anum. „En for­eldrar mínir eru pólskir og þá finnst mér ég líka vera pólskur.“  

Alls eru 24.745 pólskir inn­flytj­endur á Íslandi, eða um 6,3% þjóð­ar­innar. Samfélag Pólverja er því nokkuð stórt og hafa margir hverjir skotið föstum rótum hér á landi. Menning, siðir og jafn­vel matur sem koma frá Póllandi hafa frjóvgað íslenskt sam­fé­lag síð­ustu ára­tugi. 

Nú geta lands­menn til að mynda verslað í búðum sem selja ein­göngu pólskar vörur, sótt nám í Háskóla Íslands um tungu­málið og tekið þátt í menn­ing­ar­há­tíðum og við­burðum til heið­urs Póllandi. 

Treysta á hvert annað

Móðir Adams, Marianna K. Kristofers­dóttir, flutti til Íslands fyrir 17 árum. Hún ákvað snemma að senda börn sín í Pólska skól­ann í Reykja­vík. Þar …