Per­sónu­vernd hefur sektað Creditinfo um tæp­lega 38 millj­ónir króna vegna skrán­ingar upp­lýs­inga frá eCommerce 2020 ApS um van­skil ein­stak­linga á smá­lánum. Í úrskurði Per­sónu­verndar segir meðal ann­ars að „fjöldi hinna skráðu var all­mik­ill.“ Nánar til­tekið nam fjöldi hinna skráðu hafi verið um 2.000 tals­ins. Þá þurfi einnig að líta til þess að upp­lýs­ingum um skráða ein­stak­linga var ekki eytt strax og í ljós kom að ekki hafi verið heim­ild fyrir skrán­ing­unni. 

„Skrá Creditinfo Láns­trausts hf. um fjár­hags­mál­efni ein­stak­linga er eina slíka skráin á Íslandi og upp­flett­ing í skránni iðu­lega grunn­for­senda fyrir fyr­ir­greiðslu fjár­mála­fyr­ir­tækja, t.d. við­skipta­banka. Ólögmæt skrán­ing á slíka skrá verður því að telj­ast sér­lega íþyngj­andi og geta gert hinum skráða ókleift að fá fyr­ir­greiðslu hjá lána­stofn­unum, svo sem vegna íbúð­ar­kaupa eða ófyr­ir­séðra útgjalda.“ segir í úrskurð­inum. Því megi ætla að þeir ein­stak­lingar sem rang­lega voru skráðir á van­skila­skrá „kunni að hafa orðið fyrir alvar­legu tjóni.“

Sekt­ar­fjár­hæð var ákvörðuð 37.856.900 …