Þann 13. maí 1869 lagði stórt og glæsi­legt þríma­stra segl­skip upp frá ytri höfn­inni við bæinn Lytt­leton á Suð­ur­eyju Nýja-Sjálands. Þetta var fimmtán vetra gam­alt skip, hét Matoaka, 60 metra langt og tæp 1.500 tonn að þyngd, einkar glæsi­legur klipper svo­kall­aður er rann skeiðið milli Eyjaálfu og Evrópu hraðar en flest skip önnur um þær mundir.

Ferðinni var heitið til London, sigl­inga­leiðin er um 23.000 kíló­metrar og búist var við að skipið næði til Evrópu um miðjan ágúst eftir þriggja mán­aða sigl­ingu. Þetta var átt­unda sigl­ing Matoaka þessa sömu leið og sú skemmsta hafði tekið 82 daga. Siglt skyldi um Magellan-sund við Horn­höfða, syðsta odda Suður-Ameríku, og því næst norður allt Atl­ants­hafið. Í áhöfn­inni voru 33 og far­þegar voru 45 svo alls voru 78 manns um borð þegar skipið tók vind í seglin utan við höfn­ina í Lytt­leton og stefndi síðan í aust­urátt.

Þar af voru 18 börn.