Meðganga Bókarinnar um það sem foreldrar gera þegar börn eru sofnuð var löng því að ýmsar erfiðar hindranir urðu á leið Lindu Loeskow sem myndskreytti söguna. Hún glímdi við erfið veikindi og stóð óvænt uppi ein og ólétt. Hún neyddist í kjölfarið til að flytja frá Íslandi til að geta séð sér og dóttur sinni farborða. Heiðrún Ólafsdóttir, skapari sögunnar, segir að hún sé margslungin, dálítið draugaleg og það örli á hræðsluáróðri en líka skandinavísku raunsæi.
Systkinin Stína og Steinn eru að fara að sofa. Mamma þeirra og pabbi eru búin að lesa fyrir þau og kyssa þau góða nótt en Stína og Steinn skilja ekki af hverju foreldar þeirra þurfa að fara fram.
Systkinin liggja vakandi í kojunum sínum og velta fyrir sér hvaða fullorðinsdót þetta sé eiginlega? Þau spyrja hvort mamma og pabbi séu að fara að halda partí, hvort þjófar hafi komið og stolið þeim. Hvort þau séu að háma í sig sælgæti eða hvort þau hafi kannski breyst í geimverur.
Athugasemdir