Konur í vændi á Íslandi hafa þolað tekju­tap vegna COVID-19 far­ald­urs­ins og ótt­ast smit frá kúnnum ef þær mundu brjóta nánd­ar­reglu til að vinna áfram. Ekkert lát er þó á eft­ir­spurn­inni frá kúnnum, sam­kvæmt upp­lýs­ingum frá Stíga­mótum.

Víða um heim hefur staða fólks sem starfar við vændi þrengst vegna far­ald­urs­ins, bæði í þeim löndum þar sem vændi er lög­legt og þar sem það er ólög­legt að öllu leyti eða að hluta, eins og á Íslandi. Sam­ein­uðu þjóð­irnar hafa bent á þau vanda­mál sem fólk í vændi glímir við þessa dag­ana og hvernig tekju­tap þeirra leiði bæði til fátæktar og hrak­andi and­legrar heilsu. Þessi hópur sé gjarnan á jaðr­inum á sam­fé­lag­inu, án sterks örygg­is­nets, og njóti ekki góðs af þeim aðgerðum sem stjórn­völd ráð­ast í til að styðja við fyr­ir­tæki eða ein­stak­linga.

Frá 2009 hefur lög­gjöf um vændi á Íslandi verið háttað sam­kvæmt „sænsku leið­inni“ svoköll­uðu. Með breyt­ing­unni urðu kaup á …