Jóhann Páll Jóhannsson, þingmaður Samfylkingarinnar, hefur lagt fram frumvarp þar sem lagt er til að tollur á innflutning á frönskum kartöflum verði afnumin með öllu.
Í greinargerð með frumvarpinu kemur fram að franskar kartöflur beri sem stendur 76 prósent toll, sem er hæsti prósentutollur á matvöru í íslensku tollskránni. „Samkvæmt fríverslunarsamningum við Kanada og Evrópusambandið eru franskar kartöflur þaðan fluttar inn á lægri tolli, eða 46 prósent, og veldur því að neytendur greiða hærra verð fyrir vöruna sem því nemur. Hinn 24. ágúst sl. birtist frétt þess efnis að Þykkvabæjar ehf. hefði hætt framleiðslu á frönskum kartöflum. Þar með hefur framleiðslu á frönskum kartöflum á Íslandi verið hætt og standa því engin rök lengur til slíkrar tollverndar. Er því lagt til að innflutningstollur á franskar kartöflur verði afnuminn neytendum og fyrirtækjum til heilla.“
Köstuðu málinu á milli sín
Félag atvinnurekenda sendi Svandísi Svavarsdóttur matvælaráðherra og Bjarna Benediktssyni fjármálaráðherra erindi 24. ágúst síðastliðinn og hvatti þau til að beita sér fyrir niðurfellingu tollsins, sem lagður er á innfluttar franskar kartöflur.
[adspot]Í tilkynningu sem birtist á vef félagsins í síðasta mánuði sagði að rökin fyrir að fella tollinn niður væru augljós. „Hann var lagður á til að vernda innlenda framleiðslu. Lengi vel hefur hann verndað eitt fyrirtæki, Þykkvabæjar, sem framleiddi franskar kartöflur – reyndar úr innfluttum kartöflum að stórum hluta. Hinn 24. ágúst tilkynnti fyrirtækið að það væri hætt framleiðslunni. Hæsti prósentutollur tollskrárinnar verndar þá ekkert lengur. Hann er bara úreltur og ósanngjarn skattur á verzlun, veitingarekstur og neytendur í landinu, sem nemur 300-400 milljónum króna á ári.“
Þar sagði enn fremur að svar hafi borist frá ráðuneyti Svandísar tveimur dögum síðar. Í því kom fram að matvælaráðherra hefði ekki aðkomu að ákvörðun tolls fyrir umrædda vöru þar sem hún beri einungis verðtoll. Slíkur innflutningur heyri undir valdsvið fjármálaráðherra.
Í fréttum Stöðvar 2 föstudaginn 9. september sagði Bjarni Benediktsson hins vegar að málið væri ekki á sínu borði, heldur hjá Svandísi.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Neytendamál
Breki Karlsson
Neytendur í vörn og sókn
Guðrún Schmidt
Nægjusamur nóvember
Guðjón Sigurbjartsson
Lífskjör og matartollar
ASÍ gagnrýnir líka skipan Svanhildar Hólm í starfshóp þegar „launafólk sé látið sitja hjá“
„Ég ræddi þetta mál við Breka Karlsson“
Athugasemdir