Þjórsárver – baráttan heldur áfram

Það er þyngra en tárum taki að verða vitni að afgreiðslu Alþingis á ramma­á­ætlun sem sam­þykkt var á dög­unum. Sá gjörn­ingur að færa Hér­aðs­vötn og Kjalöldu­veitu úr vernd í bið­flokk er mik­ill afleikur. Það færir bar­áttu um nátt­úru­vernd og vernd óbyggðra víð­erna mörg skref aftur á bak. Hinn almenni leik­maður skilur orðið hvorki upp né niður. Vinstri hreyf­ingin- grænt fram­boð er rúin trausti þeirra sem trúðu því að hreyf­ingin væri málsvari nátt­úru­verndar og þess að verja nátt­úruperlur fyrir ágangi þeirra sem fyrst og fremst sjá í þeim skjót­feng­inn gróða en þeir færa ósköpin gjarnan í felu­bún­ing um mik­il­vægi orku­skipta.

[adspot]Þeir flokkar sem nú sitja í rík­is­stjórn eru marg ólíkir og vitað mál að mikið ber á milli þeirra þegar skoðuð er fram­ganga þeirra varð­andi virkjun og vernd í gegnum tíð­ina. Með það í huga er athygl­is­vert hversu sam­hentir flokk­arnir eru í þessu máli. En það er með miklum ólík­indum hvernig komið er fyrir þeim stjórn­ar­flokki sem kennt hefur sig við nátt­úru­vernd. Ég er ekki viss um að for­ysta VG geri sér grein fyrir því hversu mikið áfall þessi gjörn­ingur er því fólki sem barist hefur árum og ára­tugum saman fyrir vernd nátt­úru­verð­mæta í heima­byggð og í mörgum til­vikum treyst á stuðn­ing VG. Vil ég þar nefna Þjórs­ár­ver og fossa­röð­ina fal­legu í ofan­verðri Þjórsá. Þjórs­ár­verin eru eitt víðu­áttu­mesta og fjöl­breyttasta gróð­ur­svæði á hálendi Íslands og hafa alþjóð­legt mik­il­vægi, aðal­lega fyrir vatna­fugla og þar er eitt mesta heiða­gæsa­varp í heimi. Kjalöldu­veita myndi hafa óaft­ur­kræf nei­kvæð áhrif á vatna­svið og nátt­úru Veranna og þurrka að miklu leiti upp fossa­röð­ina, Dynk, Kjálka­vers­foss og Gljúf­ur­leit­ar­foss. Viljum við það?

Ég skrif­aði grein til handa báráttu fyrir vernd Þjórs­ár­vera sem birt­ist þann 19. mars árið 2005 en þá voru uppi áform um Norð­linga­öldu­veitu. Það eru 17 ár liðin og enn stöndum við í bar­áttu um verndun Þjórs­ár­vera, það er með ólík­indum að bar­áttan standi enn! Ég vil gera loka­orð þess­arar greinar minnar þá að loka­orðum mínum hér, þau eiga enn við „Ég hvet stjórn­völd, sveit­ar­stjórn og nátt­úru­vernd­ar­sam­tök til að taka höndum saman og vinna í sam­ein­ingu að verndun Þjórs­ár­vera til fram­tíðar. Síðast en ekki síst vil ég hvetja almenn­ing til að láta sig málið varða, við berum öll sam­eig­in­lega ábyrgð á því hvernig farið er með nátt­úru lands­ins“. Baráttan heldur áfram.