Fjölga ætti háskólanemum í vísinda-, tækni-, verkfræði- og stærðfræðigreinum hér á landi og efla endurmenntun svo að mögulegt sé að mæta aukinni sjálfvirknivæðingu starfa og bæta samkeppnishæfni á vinnumarkaðnum á næstu árum. Þetta skrifar Elísa Arna Hilmarsdóttir, hagfræðingur hjá Viðskiptaráði, í nýjasta tölublaði Vísbendingar.
Samkvæmt Elísu Örnu eru sterkar vísbendingar um að efnahagsþrengingarnar í kjölfar útbreiðslu farsóttarinnar hafi leitt til varanlegs brottfalls fjölda starfa um allan heim, sökum hraðari sjálfvirknivæðingar. Hún segir störfin sem séu hvað mest berskjölduð fyrir sjálfvirknivæðingu fela í sér mikla endurtekningu á einföldum og fyrirsjáanlegum verkefnum, en meirihluti þeirra sé unninn af ungu fólki og þeim sem hafa litla menntun. [adspot]
Búist er við því að enn fleiri störf muni verða sjálfvirknivæðingunni að bráð á næstu árum, en Elísa Arna bendir á að tæpur helmingur allra starfa hérlendis geti horfið vegna hennar.
Fjölga STEM-menntuðum
„Á þessum umbrotatímum, í hringiðu fjórðu iðnbyltingarinnar og við lok heimsfaraldurs með tilheyrandi umróti, er nauðsynlegt að marka skýra stefnu í atvinnulífinu og hlúa að samkeppnishæfni vinnumarkaðarins,“ bætir hún við. Þar segir hún að menntakerfið leiki lykilhlutverki í því að koma í veg fyrir töpuð störf með því að undirbúa fólk til að starfa í atvinnugreinum sem eru ekki berskjaldaðar fyrir sjálfvirknivæðingu.
Elísa Arna segir einnig að töluvert misræmi sé á milli menntunar fólks og starfa þeirra hérlendis, í samanburði við önnur Norðurlönd og meðaltalið í Evrópu. Leiða megi líkur að því að þetta ósamræmi skýrist að hluta til vegna þess hversu fáir nemendur eru í vísinda-, tækni-, verkfræði- og stærðfræðigreinum (e. STEM).
Hærra hlutfall STEM-menntaðra hérlendis gæti aukið samkeppnishæfni Íslands og tryggt vinnumarkaðinn fyrir þeim tæknibreytingum sem er fyrirséð að eigi sér stað á næstu árum. Einnig væri hægt að hlúa betur að þeim sem eiga á hættu að missa störf sín með auknum tækifærum til sí- og endurmenntunar, en Elísa Arna segir þá leið hafa verið farna í Danmörku.
Hægt er að lesa grein Elísu Örnu í heild sinni með því að gerast áskrifandi að Vísbendingu.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
vísbending
Segir óhófleg launakjör og sjálftöku tekjuhárra friðarspilli á vinnumarkaði
„Hægt væri að banna Airbnb í þéttbýli þegar skortur er á íbúðarhúsnæði“
Verð á matvöru hefur hækkað um rúmlega 13 prósent á tveimur árum
Umhverfisáhrif virkjana þurfi að meta til fjár
Hugmyndafræði Pútíns jafnhættuleg og fasismi Mússólínís
Athugasemdir