Stjórnvöld þurfa að móta skýra pólitíska sýn á hvernig orkufrekum iðnaði verði háttað hérlendis á næsta árum, samkvæmt nýrri skýrslu frá starfshópi á vegum umhverfis-, orku- og loftslagsráðuneytisins.
Kjarninn hefur áður fjallað um skýrsluna, en hún snýr að stöðu og áskoranir í orkumálum. Höfundar hennar voru Vilhjálmur Egilsson, fyrrum framkvæmdastjóri Samtaka atvinnulífsins, Sigríður Mogensen, sviðsstjóri hugverkasviðs Samtaka iðnaðarins, og Ari Trausti Guðmundsson, fyrrum þingmaður VG.
Í skýrslunni er farið yfir gjaldeyristekjurnar sem orkufrekur iðnaður, þar á meðal álver, kísilver og gagnaver, hefur skapað á síðustu árum, en samkvæmt höfundunum hefur fjórðungur af gjaldeyristekjum þjóðarinnar komið þaðan.
Höfundarnir hafa einnig eftir Landsvirkjun og Landsneti að flestir viðskiptavinir fyrirtækjanna hyggjast starfa áfram á Íslandi og að áform séu til vaxtar hjá mörgum þeirra. Einnig greinir Landsnet frá því að fjölbreyttur iðnaður, meðal annars í matvælaframleiðslu, líftækni og fiskeldi, hafi leitað til fyrirtækisins varðandi tengingu við flutningskerfið á síðustu misserum.
Þá nefna þeir einnig framleiðendur vetnis og rafeldsneytis sem mögulega stórnotendur framtíðar, en þau bæta einnig við að Landsnet hafi þurft að hafna mörgum verkefnum á síðustu misserum vegna stöðu flutningskerfisins og/eða skorts á framboði á raforku. Þessi verkefni kalla höfundarnir „töpuð tækifæri,“ sem þeir meta að séu jafnmikil að umfangi og heildarumsvif gagnavera hérlendis og hefðu getað keypt orku fyrir 4-6 milljarða króna.
Samkvæmt starfshópnum er nauðsynlegt að fyrirtæki og sveitarfélög fái skýr skilaboð frá stjórnvöldum, orkuframleiðendum, Landsneti og dreifiveitum um á hvaða framtíðarvæntingum um orkuframboð og flutning megi byggja.
Líkt og Kjarninn hefur áður minnst á mun orkuþörfin hérlendis aukast töluvert ef ríkisstjórnin á að ná settum markmiðum um orkuskipti á vegum, sjó og í lofti fyrir árið 2040. Aukningin verður svo enn meiri ef gert er ráð fyrir að orkufrekur iðnaður muni halda áfram að vaxa.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Orkumál
Berjast fyrir þorpi á barmi hengiflugs
Vindorkan áskorun fyrir stjórnkerfi skipulags- og orkumála
Lovísa Árnadóttir
Orku- og veitumál í brennidepli
Gunnar Gunnarsson
Austurland 2022: Miklar fórnir fyrir stóra vinninga?
Nær öllum sundlaugum höfuðborgarsvæðisins lokað vegna bilunar í Hellisheiðarvirkjun
Athugasemdir