Haraldur Sverrisson, bæjarstjóri í Mosfellsbæ, hefur ákveðið að gefa ekki kost á sér til áframhaldandi setu í bæjarstjórn við sveitarstjórnarkosningarnar sem haldnar verða í maí á næsta ári.
Hann greindi frá þessu á fundi fulltrúaráðs Sjálfstæðisfélaganna í Mosfellsbæ í gærkvöldi en Haraldur er oddviti Sjálfstæðismanna í Mosfellsbæ og hefur verið bæjarstjóri frá árinu 2007.
[adspot]Alls hefur hann setið í bæjarstjórn frá árinu 2002 og var varabæjarfulltrúi á árunum 1998 til 2002.
Í tilkynningu vegna þessa segir Haraldur að hann hafi verið búinn að hugsa með sér að þetta yrði síðasta kjörtímabil hans. „Ég hef verið bæjarstjóri frá árinu 2007 sem er lengst allra sem gengt hafa þessu embætti í Mosfellsbæ. Á þessum tíma hefur íbúum fjölgað um helming og þó ég segi sjálfur frá hefur alveg ótrúleg uppbygging átt sér stað hér á umliðnum árum.“
Hann segist muna gegna starfi bæjarstjóra af trúmennsku þar til í vor þegar kjörtímabilinu lýkur.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
kosningar2022
Kosningastjóri Samfylkingarinnar nýr aðstoðarmaður borgarstjóra
Vegglistaverk Libiu og Ólafs þótti óleyfilegur kosningaáróður í Hafnarfirði
Hildur varði 9,3 milljónum í prófkjörsslaginn og átti eina og hálfa milljón afgangs
Hildur skilaði uppgjöri vegna prófkjörs í gær
Vigdís Hauksdóttir vill verða bæjarstjóri
Athugasemdir