Hagnaður Arion banka nam rúmum 6 milljörðum króna á fyrsta ársfjórðungi 2021, og er það 8 milljarða króna betri afkoma heldur en á sama tímabili í fyrra. Eigið fé bankans ávaxtaðist um 12,5 prósent á tímabilinu og segist hann vera í mjög góðri stöðu til að lækka eigið fé með arðgreiðslum í framtíðinni.
Þetta kemur fram í ársfjórðungsuppgjöri bankans, sem birtist á vef bankans fyrr í dag. Samkvæmt uppgjörinu var hagnaður bankans mun betri en búast mætti við í krefjandi efnahagsumhverfi, en bæði jukust tekjur hans miðað við sama tímabil í fyrra og kostnaður dróst saman.
Lán til viðskiptavina hækkuðu um 1,7 prósent á tímabilinu, en á sama tíma jukust innlán bankans um 4,2 prósent. Lánabók bankans til fyrirtækja lækkaði nokkuð, en samkvæmt tilkynningu bankans má rekja lækkunina til sölu á slíkum lánum til fagfjárfesta. Bankinn segist aftur á móti hafi staðið í töluverðum lánveitingum til fyrirtækja á ársfjórðungnum.
Alls greiddi bankinn 14,8 milljarða króna í arð og endurkaup á hlutabréfum á tímabilinu, en í tilkynningunni segir að hann sé í mjög góðri stöðu til að lækka eigið fé með frekari útgreiðslum og mæta eftirspurn viðskiptavina eftir lánsfé.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
arion
Ekkert fast í hendi en „samtalið er enn í gangi“
Viðræður standa enn yfir um sölu kísilversins í Helguvík
Stjórnendur Arion banka vona að niðurstaðan verði í „sem mestri sátt við samfélagið“
Arion hefur hagnast um 22 milljarða það sem af er ári
Salan á Valitor hækkar umfram eigið fé Arion banka í 51 milljarð – Ætla að borga það út
Athugasemdir