Þær Helga Vala Helgadóttir og Kristrún Frostadóttir munu sitja í oddvitasætum á framboðslistum Samfylkingarinnar í Reykjavíkurkjördæmunum í komandi Alþingiskosningum. Framboðslistar flokksins fyrir komandi kosningar voru samþykktir á allsherjarfundi Samfylkingarfélaga í Reykjavík í dag. Alls greiddu 280 atkvæði og af þeim staðfestu 79 prósent kjósenda listann, 17,5 prósent höfnuðu honum og 3,5% skiluðu auðu.
Helga Vala hefur verið þingmaður Samfylkingarinnar í Reykjavíkurkjördæmi norður síðan árið 2017. Hún er auk þess formaður velferðarnefndar. Kristrún er á ný á lista hjá flokknum en hún starfaði áður sem aðalhagfræðingur Kviku banka.
Rósa Björk og Jóhann Páll næst á eftir oddvitunum
Rósa Björk Brynjólfsdóttir gekk í raðir Samfylkingarinnar fyrr á þessum þingvetri eftir að hafa setið á þingi um nokkurt skeið sem óháður þingmaður. Hún var kjörin á þing fyrir Vinstrihreyfinguna – grænt framboð árið 2016. Hún hefur setið sem þingmaður suðvesturkjördæmis allt frá því hún var kjörin á þing og í tilkynningu sem hún sendi frá sér í síðari hluta janúar á þessu ári sagðist hún vilja leiða flokkinn í því kjördæmi. Í komandi kosningum verður hún hins vegar önnur á lista Samfylkingarinnar í Reykjavíkurkjördæmi suður.
Nýr á lista Samfylkingarinnar kemur Jóhann Páll Jóhannsson sem starfað hefur sem blaðamaður um árabil. Hann tekur annað sæti á lista flokksins í Reykjavíkurkjördæmi norður. Á eftir þeim Rósu Björk og Jóhanni Páli koma þau Viðar Eggertsson, leikstjóri, í þriðja sæti í Reykjavíkurkjördæmi suður og Dagbjört Hákonardóttir, lögfræðingur, í þriðja sæti í Reykjavíkurkjördæmi norður.
Framboðslistar flokksins sem samþykktir voru í dag líta svona út:
Reykjavík norður
1.sæti Helga Vala Helgadóttir, alþingismaður
2.sæti Jóhann Páll Jóhannsson, blaðamaður
3.sæti Dagbjört Hákonardóttir, lögfræðingur
4.sæti Magnús Árni Skjöld, dósent
5.sæti Ragna Sigurðardóttir, forseti UJ og læknanemi
6.sæti Finnur Birgisson, arkitekt
7.sæti Ásta Guðrún Helgadóttir, ráðgjafi
8.sæti Ásgeir Beinteinsson, fyrrv. skólastjóri
9.sæti Magnea Marinósdóttir, alþjóðastjórnmálafræðingur
10.sæti Sigfús Ómar Höskuldsson, rekstrarfræðingur og þjálfari
11.sæti Sonja Björg Jóhannsdóttir, deildarstjóri í leikskóla
12.sæti Hallgrímur Helgason, rithöfundur
13.sæti Alexandra Ýr, ritari Samfylkingarinnar
14.sæti Hlal Jarrah, veitingamaður
15.sæti Inga Auðbjörg Straumland, formaður Siðmenntar og kaospilot
16.sæti Rúnar Geirmundsson, framkvæmdarstjóri
17.sæti Kolbrún Birna Hallgrímsdóttir, laganaemi
18.sæti Ólafur Örn Ólafsson, veitingamaður
19.sæti Sólveig Ásgrímsdóttir, sálfræðingur og formaður 60+
20.sæti Vilhjálmur Þorsteinsson, hugbúnaðarhönnuður
21.sæti Heiða Björg Hilmisdóttir, varaformaður Samfylkingarinnar
22.sæti Jóhanna Sigurðardóttir, fyrrverandi forsætisráðherra
Reykjavík suður:
1.sæti Kristrún Mjöll Frostadóttir, hagfræðingur
2.sæti Rósa Björk Brynjólfsdóttir, alþingismaður
3.sæti Viðar Eggertsson, leikstjóri og verðandi eldri borgari
4.sæti Vilborg Oddsdóttir, félagsráðgjafi
5.sæti Birgir Þórarinsson, tónlistarmaður
6.sæti Aldís Mjöll Geirsdóttir, lögfræðingur
7.sæti Gunnar Alexander Ólafsson, heilsuhagfræðingur
8.sæti Ellen Calmon, borgarfulltrúi og formaður SffR
9.sæti Viktor Stefánsson, stjórnmálahagfræðingur
10.sæti Elín Tryggvadóttir, hjúkrunarfræðingur
11.sæti Hlynur Már Vilhjálmsson, starfsmaður á frístundaheimili
12.sæt Margret Adamsdóttir, leikskólakennari
13.sæti Axel Jón Ellenarson, grafískur hönnuður
14.sæti Ingibjörg S. Guðmundsdóttir, hjúkrunarfræðingur
15.sæti Jakob Magnússon, veitingamaður
16.sæti Ingibjörg Grímsdóttir, þjónustufulltrúi
17.sæti Jónas Hreinsson, rafiðnaðarmaður
18.sæti Sólveig Jónasdóttir, kynningarfulltrúi Sameykis
19.sæti Hildur Kjartansdóttir, myndlistarmaður
20.sæti Ellert B. Schram, fyrrverandi alþingismaður
21.sæti Sigríður Ingibjörg Ingadóttir, fyrrverandi alþingismaður
22.sæti Dagur B. Eggertsson, borgarstjóri
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
kosningar2021
Tveir starfsmenn og tveir embættismenn höfnuðu flutningi milli ráðuneyta
Píratar, Samfylking og Viðreisn mælast saman með meira fylgi en stjórnarflokkarnir
Sigurður Guðmundsson
Misjafn hagur – misjafnir hagir
Flestar athugasemdir við breytta skipan ráðuneyta snúa að menntamálum
Athugasemdir