Rúmlega fimm þúsund heimili fengu fjárhagsaðstoð árið 2018

Rúmlega fimm þús­und heim­ili fengu fjár­hags­að­stoð sveit­ar­fé­laga árið 2018 sem er 2,5 pró­senta fækkun frá árinu áður. Fjöldi heim­ila sem fá fjár­hags­að­stoð helst í hendur við þróun atvinnu­leysis, að því er kemur fram í grein­ingu Hag­stof­unnar.

Samkvæmt grein­ingu Hag­stof­unnar hækk­uðu útgjöld sveit­ar­fé­lag­anna vegna fjár­hags­að­stoðar um 1,6 pró­sent sé miðað við fast verð­lag, eða um 74 millj­ónir króna. Með­al­mán­að­ar­greiðslur fjár­hags­að­stoðar voru 136.242 krónur sem er um þús­und krónu lækkun frá árinu áður.Lengd fjár­hags­að­stoðar árið 2018 var 4,8 mán­uðir en 4,5 mán­uðir árið áður.

[adspot]43,1 pró­sent af þeim heim­ilum sem fengu fjár­hags­að­stoð voru heim­ili barn­lausra karla en heim­ili barn­lausra kvenna 24,1 pró­sent. Heimili ein­stæðra kvenna með börn voru 22,2 pró­sent heim­ila og heim­ili hjóna eða sam­búð­ar­fólks 8,8 pró­sent. Um þriðj­ungur við­tak­enda fjár­hags­að­stoðar voru atvinnu­lausir og 86 pró­sent þeirra án bóta­réttar.

Mynd: Guðbjörg Ríkey Th Hauks­dóttir

2,3 pró­sent þjóð­ar­innar bjuggu á heim­ilum sem fengu fjár­hags­að­stoð árið 2018, eða 8.206 manns og þar af 2.710 börn. 9.461 heim­ili fékk félags­lega heima­þjón­ustu og tæp­lega fimm af hverjum sex heim­ilum voru heim­ili aldr­aðra sem er tæp­lega fimm pró­senta aukn­ing frá árinu 2017.