Wizz air keypti lendingarleyfi WOW air á Gatwick

Breska flug­fé­lagið easyJet og hið ung­verska flug­fé­lag Wizz air keyptu lend­ing­ar­leyfi WOW air á Gatwick flug­velli í London. Rétt fyrir jól stað­festu stjórn­endur WOW air að félagið hefði selt lend­ing­ar­leyfi sín á Gatwick en hvorki kaup­verð né kaup­andi var gefið upp í til­kynn­ing­unni þar sem um trún­að­ar­sam­komu­lag er að ræða. Nýupp­færðar upp­lýs­ingar um lend­ing­ar­leyfi í Bret­landi sýna hins vegar að það voru flug­fé­lögin EasyJet og Wizz air sem keyptu lend­ing­ar­leyfi WOW air. Túristi.is greindi fyrst frá þessu.

Wizz air er í eigu Indigo Partners

[links]Flug­fé­lagið Wizz air er að stórum hluta í eigu félags­ins Indigo Partners sem nú er í við­ræðum við WOW air um kaup á félag­inu. Hvert kaup­verðið var fyrir lend­ing­ar­leyfin kemur ekki fram í breskum gögnum um lend­ing­ar­leyfi. Í gögn­unum kemur þó fram að easyJet tekur við morg­un­tímum WOW air en Wizz air tekur við kvöld­tímunum á Gatwick sam­kvæmt umfjöllun Túrista.

Sala á leyf­unum til Wizz Air fór fram 30. nóv­em­ber síð­ast­lið­inn, sama dag og til­kynnt var um að að flug­fé­lagið Indigo Partners ætl­aði mögu­lega að fjár­festa í WOW air. En dag­inn áður hafði Icelandair hætt við að festa kaup á WOW air. Salan á leyf­unum til easyJet fór fram 5. des­em­ber. 

Íslenskir fjöl­miðlar greindu frá því skömmu fyrir síð­ustu mán­aða­mót að ein fljót­leg­asta leiðin fyrir WOW air til að verða sér úti um laust fé væri að selja lend­ing­ar­stæði sín á Gatwick flug­velli. Þau stæði voru með þeim verð­mæt­ari í eigu WOW air. WOW air mun hætta að fljúga til Gatwick frá 31. mars næst­kom­andi og eftir það fljúga ein­göngu um Stan­sted flug­völl í borg­ina.