Hlutabréf í Icelandair Group hafa hækkað um tæp 15 prósent það sem af er degi. Ástæðuna má rekja til tilkynningar WOW air, helsta samkeppnisaðila Icelandair, sem send var út fyrr í dag um að fyrirtækið sé að draga mjög saman seglin.
[links]Helsta birtingarmynd þess eru uppsagnir á mörg hundruð starfsmönnum samhliða því að flugvélum í flota WOW air verður fækkað úr 20 í 11.
Raunar var hlutabréfaverð í Icelandair farið að hækka mjög í morgun, áður en tilkynning WOW air var send út um ellefuleytið. Það gefur til kynna að upplýsingar um aðgerðirnar hafi lekið út áður en formlega var tilkynnt um þær.
Kjarninn fékk upplýsingar um það í gær að til stæði að selja fjórar vélar WOW air, en fékk það ekki staðfest.
[adspot]Í tilkynningu félagsins í dag kemur hins vegar fram að verið sé að ganga frá samningi þess efnis að selja fjórar Airbus A321 flugvélar sem verða afhentar í janúar 2019 og mun bæta lausafé félagsins um 10 milljónir Bandaríkjadala. Auk þess verða, líkt og áður sagði, fimm öðrum vélum WOW air skilað til leigusala.
Rekstur WOW air hefur staðið tæpt um nokkuð langt skeið. Fyrirtækið fór í skuldabréfaútboð fyrr á þessu ári sem dugði ekki til að rétta reksturinn við. Í nóvember var tilkynnt að Icelandair ætlaði að kaupa WOW air en síðar var hætt við þau kaup.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
flugmál
PLAY að ráðast í hlutafjáraukningu sem átti alls ekki að ráðast í fyrir nokkrum mánuðum
Icelandair Group hagnaðist um 7,7 milljarða króna á þremur mánuðum
Sigurður Ingi: Ekki unnt að fallast á fyrirhugaða byggð í Skerjafirði að óbreyttu
Ari Trausti Guðmundsson
Ekki alveg svona einfalt...
Dagur: Hvassahraun virðist „ein öruggasta staðsetningin“ fyrir innviði á Reykjanesskaga
Athugasemdir