WOW air skylt að útvega annað flugfar til sömu borgar

Flug­vélið WOW air ber að bjóða far­þegum val um annað flug á áfanga­stað eða end­ur­greiðslu á far­miða vegna flugs til þeirra þriggja borga sem fyr­ir­tækið hefur nú ákveðið að aflýsa flugi til, þetta stað­festir Sam­göngu­stofu. Frá þessu er greint á RÚV.

Flug­fé­lagið til­kynnti á dög­unum að öll flug til Stokk­hólms, Edin­borgar og San Francisco í vetur, frá 5. nóv­em­ber fram í byrjun apríl, séu aflýst vegna hag­ræð­ingar í rekstri. Samkvæmt WOW air veldur seinkun á afhend­ingu tveggja nýrra Airbus A330neo vélum því að félagið þarf að gera breyt­ingar á leið­ar­kerfi félags­ins í vetur, vél­arnar áttu að koma í nóv­em­ber en koma nú ekki fyrr en í lok febr­úar. Í til­kynn­ing­unni kom einnig fram að far­þegum, sem hafi fjár­fest í flug­miðum til þess­ara borga, yrði boðið að fá end­ur­greitt eða að gera breyt­ingar á ferða­til­högun sinni án þess að greiða breyt­ing­ar­gjald.

Þór­hildur Elín­ar­dóttir, sam­skipta­stjóri Sam­göngu­stofu, segir í svari við fyr­ir­spurn frétta­stofu RÚV, að með þessu sé ekki verið að upp­fylla reglur um rétt­indi flug­far­þeg­anna. Sam­göngu­stofa hefur meðal ann­ars eft­ir­lit með flug­rekstri á sinni könnu og útgáfu flug­rekstr­ar­leyfa. Samkvæmt Þórhildi kemur fram í 8. grein ESB reglu­gerðar 261/2006 að þegar flugi sé aflýst beri flug­fé­lagi að bjóða far­þega val um nýtt flug á loka ákvörð­un­ar­stað eða end­ur­greiðslu á far­miða. „Í þeim til­fellum þar sem félagið flýgur ekki sjálft lengur á við­kom­andi áfanga­stað þá þarf það að útvega far með öðrum flug­rek­anda,“ segir í Þór­hildur.

Ættu ekki að þurfa hætta við ferðina

Frétta­stofa RÚV greindi á dög­unum frá því að hjón sem höfðu keypt ferð til Edin­borgar með WOW air hefðu aðeins fengið end­ur­greitt flug­farið en ekki gist­ingu. Haft er eftir hjón­unum að að gist­ingin sé hins vegar mun kostn­að­ar­sam­ari en flug­farið og því mikið tap fyrir hjónin. Haft var eftir Svan­hvíti Frið­riks­dóttur, upp­lýs­inga­full­trúa WOW í frétt­inni að flug­fé­lagið ætli þó að gera sitt besta til að aðstoða þá far­þega sem keyptu gist­ingu í gegnum heima­síðu WOW við að fá gist­ing­una end­ur­greidda. Ef miðað er við ofan­greindar upp­lýs­ingar frá Sam­göngu­stofu þá ættu hjónin ekki að þurfa að hætta við ferð­ina, heldur fá boð frá WOW um flug til Edin­borgar með öðru flug­fé­lagi.