Bandaríska fyrirtækið USAerospace Associates LLC hefur boðað til blaðamannafundar í dag klukkan 13:30 á Grillinu á Hótel Sögu þar sem það mun tilkynna um kaup sín á eignum af skiptastjórum þrotabús WOW Air. Michele Roosevelt Edwards, stjórnarformaður USAerospace Associates LLC, boðar til blaðamannafundarins.
[links]Sveinn Andri Sveinsson, annar skiptastjóra WOW air, vildi ekkert tjá sig um málið í samtali við Kjarnann.
Í skýrslu skiptastjóra WOW air, sem kynnt var fyrir kröfuhöfum félagsins í ágúst, kemur fram að þrotabú félagsins væri enn í viðræðum við nokkra aðila um sölu á vörumerkinu WOW air, lénum félagsins, bókunarvél og ýmsu lausafé sem tengist rekstri félagsins. „Þær viðræður ganga ágætlega og vonast skiptastjórar til þess að ljúka samningum um sölu þeirra eigna,“ sagði í skýrslunni.
Eini áhugasami kaupandinn sem greint hafði verið frá opinberlega á þeim tíma var bandaríska athafnakonan Michelle Ballarin. Hún gengur einnig undir nafninu Michele Roosevelt Edwards og er sú sem heldur fundinn á eftir en Michelle tók upp Ballarin nafnið þegar hún giftist fyrri eiginmanni sínum.
Hún gerði kaupsamning um valdar eignir úr þrotabúi WOW air í júlí. Hún kom svo í viðtal við ViðskiptaMoggann skömmu síðar og þar fullyrti hún að búið væri að tryggja milljarða króna til reksturs nýs flugfélags á grunni WOW air sem ætti að duga næstu tvö árin.
[adspot]Í lok júlí var kaupunum hins vegar rift vegna þess að síendurtekið hafði dregist að borga fyrstu greiðslu samkvæmt kaupsamningi sem gerður var milli félags Ballarin og þrotabúsins. Heildarumfang viðskiptanna átti að vera ríflega 180 milljónir króna og sú greiðsla að greiðast í þremur nokkuð jöfnum áföngum.
Ballarin var svo stödd hér á landi á ný um miðjan ágúst. Fréttavefurinn Túristi.is, sem sérhæfir sig í ferðaþjónustutengdum fréttum, greindi þá frá því að erindi hennar væri að að reyna aftur við stofnun nýs flugfélags á grunni WOW air. Hérlendis voru fulltrúar hennar sagðir almannatengillinn Gunnar Steinn Pálsson og lögmaðurinn Páll Ágúst Ólafsson.
Sveinn Andri sagði á þeim tíma, í samtali við Kjarnann, að Ballarin hefði ekki sett sig í samband við þrotabúið á ný.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
flugmál
PLAY að ráðast í hlutafjáraukningu sem átti alls ekki að ráðast í fyrir nokkrum mánuðum
Icelandair Group hagnaðist um 7,7 milljarða króna á þremur mánuðum
Sigurður Ingi: Ekki unnt að fallast á fyrirhugaða byggð í Skerjafirði að óbreyttu
Ari Trausti Guðmundsson
Ekki alveg svona einfalt...
Dagur: Hvassahraun virðist „ein öruggasta staðsetningin“ fyrir innviði á Reykjanesskaga
Athugasemdir