Rósa Björk studdi líka ráðherralista Vinstri grænna en mun fylgja sannfæringunni

Rósa Björk Brynj­ólfs­dóttir, annar þeirra þing­manna Vinstri grænna sem greiddi atkvæði gegn stjórn­ar­sátt­mála nýrrar rík­is­stjórnar, segir virða lýð­ræð­is­lega nið­ur­stöðu flokks­ráðs­ins og styður ráð­herra­lista Vinstri grænna.

[links]Andrés Ingi Jónsson, hinn þing­maður flokks­ins serm studdi ekki stjórn­ar­sam­starfið, studdi einnig ráð­herra­list­ann á þing­flokks­fundi Vinstri grænna í morgun.

Rísa greinir frá því í stöðu­upp­færslu á Facebook í dag þótt stjórn­ar­sátt­mál­inn sé að mörgu leyti ágætur þá finn­ist henni að í hann vanti veiga­mikil atriði sem hafa verið í stefnu Vinstri grænna um ára­bil. „En allt snýst þetta um traust en mig skortir ein­fald­lega traust á fólki í sam­starfs­flokk­inum til að styðja þetta verk­efni eins og ég hef áður sagt. En þrátt fyrir skoðun mína og fleiri félaga í VG, þá virði ég lýð­ræð­is­lega nið­ur­stöður flokks­ráðs­ins. Á þing­flokks­fundi okkar í dag, studdi ég ráð­herra­lista VG og fagna því í dag að í annað sinn í 99 ára sögu full­veld­is­ins sest kona í for­sæt­is­ráð­herra­stól og óska Katrínu inni­lega til ham­ingju með það.

[adspot]Áskor­an­irnar eru aldeilis margar og strembnar framundan í íslenskum stjórn­málum en svo ég tali nú fyrir sjálfa mig, þá ætla ég að ein­beita mér að því að vinna vel að málum í þing­inu sem snú­ast um jafn­rétti kynj­anna, lofts­lags-og umhverf­is­mál, utan­rík­is­mál með áherslu á mannúð og frið og mál­efni útlend­inga. Svo fylgi ég auð­vitað áfram sann­fær­ingu minni þegar kemur að afstöðu til mála - hvaðan sem þau koma - líkt og öllum þing­mönnum ber að gera.“