Ætlar að semja lög fyrir þau sem styrkja hann

Ragnar Ólafsson er margra fjala smiður þegar kemur að tón­list. Á ferl­inum hefur hann feng­ist við allt frá klassík, óperu og djass, yfir í popp, Eurovision og þung­arokk. Ragnar ólst upp og bjó erlendis fyrstu 22 ár ævi sinnar, aðal­lega í Svíþjóð en einnig í Banda­ríkj­unum og á Sval­barða. Hann lét fyrst til sín taka í tón­list á mennta­skóla­ár­unum í Gauta­borg, en þar spil­aði hann með fjölda tón­list­ar­manna á borð við Jens Lekman og Olof Dreijer úr hljóm­sveit­inni The Knife.

Eftir að hann flutt­ist aftur heim til Íslands hefur Ragnar gefið út á annan tug hljóm­platna með mis­mun­andi hljóm­sveitum og tón­list­ar­mönnum, og ferð­ast um heim­inn á tón­leika­ferða­lögum með hljóm­sveit­inni sinni Árstíðir.

Hann vinnur nú að sinni fyrstu sóló­plötu “Urges” og hefur stofnað til hóp­fjár­mögnun á Karolina Fund henni til styrktar. Kjarninn hitti Ragnar og tók hann tali.

Hver er baksaga þín í tónlist?

„For­eldrar mínir er eru báðir vís­inda­menn en njóta þess að spila á hljóð­færi. Á heim­ili okkar voru alltaf hljóð­færi til staðar og það varð til þess að ég fór snemma að fikta við píanóið hennar mömmu og gít­ar­inn hans pabba.

Á tán­ings­árum fór ég að semja tón­list með félög­unum mínum í Gauta­borg. Þá kvikn­aði þessi ástríða fyrir því að skapa tón­list og ég fór að stofna alls­konar hljóm­sveitir í kjöl­farið. Ég byrj­aði sem trommari í pönk­bandi og fór þaðan yfir að vera gít­ar­leik­ari í fönk­bandi og hljóm­borðs­leik­ari í rokk­bandi. Og svona hefur þetta haldið áfram allar götur síðan.

Það virð­ist alltaf legið fyrir mér að fikta við alls­konar stefnur, helst allt á sama tíma en í mis­mun­andi verk­efnum. Ég hef ein­fald­lega svo gaman af alls­konar tón­list að ég tími ekki að ein­skorða mig við eina stefnu.“

Hvers vegna fórstu út í að gera sólóplötu?

„Síðasta vetur lenti ég í hálf­gerðu þung­lyndi í kjöl­far sam­bands­slita. Ég fór að ein­angra mig og tók að semja lög af allt öðrum toga en ég hef gert áður. Þessi lög voru ekki að passa inn í þær tón­list­ar­stefnur sem hljóm­sveit­irnar mínar eru að fást við, þannig að það lá bein­ast við gera þetta undir eigin nafni.“

Hvaða lag helduru mest uppá á plötunni?

„“Urges” er tit­il­lag plöt­unnar, og er svo­lítið eins og upp­gjör við ást­ina og forn mis­tök. Í raun er platan í heild sinni svona “break-up” plata og lögin svona lit­róf þeirra flóknu til­finn­ing sem maður þarf að glíma við eftir að hafa endað fimm ára sam­band.“

Ragnar Ólafsson er með hóp­fjár­öflun á Karolina Fund til að geta klárað plöt­una. Þeir sem leggja Ragnari lið geta á meðal ann­ars vænst þess að hann frum­semji lag handa við­kom­andi.

Verk­efnið er að finna hér.