Ráðgjafafyrirtæki Illuga: Seld þjónusta 1,2 milljónir

Ráð­gjafa­fyr­ir­tæki Illuga Gunn­ars­sonar mennta­mála­ráð­herra, OG Capital ehf., seldi þjón­ustu fyrir 1,2 millj­ónir króna árið 2012 og rúm­lega 1,7 millj­ónir árið á undan. Þetta kemur fram í árs­reikn­ingum félags­ins fyrir þessi ár. Árið 2011 starf­aði Illugi sem ráð­gjafi á meðan hann var í leyfi frá störfum sínum á Alþingi, meðal ann­ars fyrir jarð­varma­fyr­ir­tækið Orku Energy en stjórn­ar­for­maður þess keypti eign­ar­halds­fé­lagið og íbúð Illuga á Rán­ar­götu síðar af honum. Illugi fund­aði með full­trúum frá Orku Energy og kín­verskum sam­starfs­að­ila þeirra meðan á heim­sókn hans til Kíns stóð síð­asta mán­uði.

Hann hefur sjálfur sagt að þó hann hafi ein­ungis unnið sem ráð­gjafi á árinu 2011 þá hafi hann fengið greitt fyrir þá vinnu árið 2012, eftir að hann sett­ist aftur á þing eftir að hafa verið í leyfi frá störfum. Í svari til Stund­ar­innar fyrr í mán­uð­inum sagði hann: „Megin hluti vinnu minnar var á árinu 2011 en launa­greiðslur bár­ust á árinu 2012 og þess vegna taldi ég rétt á sínum tíma, eins og fram hefur komið í fjöl­miðlum, að greina frá stör­f­unum í hags­muna­skrán­ingu þings­ins.“