Gunnar Bragi Sveins­son utan­rík­is­ráð­herra og Bjarni Bene­dikts­son fjár­mála­ráð­herra eru missaga um ein­hug­inn sem ríkir í rík­is­stjórn Íslands um stuðn­ing Íslands við við­skipta­þving­anir Evr­ópu­sam­bands­ins og Banda­ríkj­anna gagn­vart Rússum. 

Rússar settu inn­flutn­ings­bann á til­teknar vörur frá Íslandi fyrir helgi og kemur bannið sér­stak­lega illa við sjáv­ar­út­vegs­fyr­ir­tæki sem selt hafa mak­ríl, loðnu og síld til Rúss­lands. Síld­ar­vinnslan og HB Grandi munu meðal ann­ars finna mjög fyrir bann­inu þar sem á milli 15 og 20 pró­sent af fisk­út­flutn­ingi þess­ara fyr­ir­tækja fer til Rúss­lands. Á sumum bæjum hefur um helg­ina hart verið deilt á ákvörðun rík­is­stjórn­ar­innar að styðja við­skipta­þving­an­irnar gegn Rússum vegna þeirra afleið­inga sem sá stuðn­ingur hefur haft, meðal ann­ars gerði Davíð Oddsson, rit­stjóri Morg­un­blaðs­ins, það í Reykja­vík­ur­bréfi um helg­ina.