Fram­sókn­ar­flokk­ur­inn skuld­aði rúmar 225 millj­ónir í lok árs 2015 en átti aðeins eignir upp á tæpar 180 millj­ónir. Eigið fé flokks­ins var því nei­kvætt um rúmar 45 millj­ónir króna í lok árs.

Af þeim þremur flokkum sem Stundin hefur nú þegar fjallað um í dag er Fram­sókn­ar­flokk­ur­inn sá eini með nei­kvætt eigið fé. Fjár­hags­staða flokks­ins hefur þó batnað frá árinu 2014 en þá var eigið fé flokks­ins nei­kvætt um rúmar 59 millj­ónir króna.

Þrjátíu og átta fyr­ir­tæki styrktu Fram­sókn­ar­flokk­inn á síð­asta ári fyrir sam­tals 10,8 millj­ónir króna. Nærri helm­ingur þeirrar upp­hæðar, tæpar fjórar og hálf milljón króna, kom frá fyr­ir­tækjum sem starfa í sjáv­ar­út­vegi. Þá má einnig sjá á lista yfir styrk­veit­endur Fram­sókn­ar­flokks­ins að hann nýtur stuðn­ings eig­anda Subway á Íslandi, Skúla Gunnars Sig­fús­sonar. Skúli Gunnar styrkti flokk­inn í gegnum félagið sitt Sól­stjarnan ehf. en félagið er inn­flutn­ings- og dreif­ing­ar­fyr­ir­tæki fyrir meðal ann­ars Subway. Upphæðin nam 400 þús­und krónum en það er hæsta upp­hæð sem stjórn­mála­flokkar mega þiggja frá einka­fyr­ir­tækjum.

Eitt þeirra fyr­ir­tækja sem einnig styrkti Fram­sókn­ar­flokk­inn fyrir 400 þús­und krónur, hæstu leyfi­legu upp­hæð, er bank­inn Kvika, sam­ein­aður banki MP banka og Straums fjár­fest­inga­banka. Tengsl bank­ans við Fram­sókn­ar­flokk­inn hafa áður ratað í fjöl­miðla en for­stjóri bank­ans er mágur Sig­mundar Davíðs Gunn­laugs­sonar. Þá er faðir Sig­mundar Davíðs hlut­hafi í bank­anum og einn helsti efna­hags­ráð­gjafi flokks­ins, Sigurður Hann­es­son, er starfs­maður Kviku.

Hér fyrir neðan má sjá þau fyr­ir­tæki sem styrktu Fram­sókn­ar­flokk­inn en útdrátt­ur­inn í heild sinni má finna hér.

Framlög lögaðila:

• Austfar ehf 50.000
• Bláa Lónið hf 200.000
• Borgun hf 250.000
• Bygg­ingaf. Gylfa og Gunnars hf 100.000
• Fisk­vinnslan Drangur ehf 50.000
• Gjögur hf 400.000
• Góa-Linda ehf 200.000
• H.F. Verðbréf hf 50.000
• Hamp­iðjan hf 200.000
• HB Grandi hf 400.000
• Hrað­frysti­húsið-Gunnvör hf 400.000
• Hvalur h.f 400.000
• Icelandair Group hf 300.000
• Icelandic Water Holdings hf 400.000
• Ísfélag Vest­manna­eyja hf 400.000
• Íslenska útflutn­ings­mið­stöðin 200.000
• Kaup­fé­lag Skag­firð­inga 400.000
• KFC ehf 200.000
• Kvika banki hf 400.000
• Lyfja hf 100.000
• Lýsi hf 400.000
• N1 h.f 300.000
• Norræna ferða­skrif­stofan ehf 50.000
• Samherji Ísland ehf 400.000
• Samskip 400.000
• Skinney-Þinganes hf 400.000
• Sól­stjarnan ehf 400.000
• Stekk­eyri ehf 200.000
• Strokkur Energy ehf 200.000
• Trygg­inga­mið­stöðin 390.000
• Ursus ehf 400.000
• Vél­smiðja Hjalta Ein­ars­sonar 400.000
• Vinnslu­stöðin hf 400.000
• Víðir ehf 100.000
• Vísir hf 400.000
• Þingvangur ehf 400.000
• Þorbjörn hf 400.000
• Ögurvík hf 100.000

Samtals lög­að­ilar            10.840.000

Framlög sveitarfélaga:

• Reykja­vík­ur­borg 2.748.000
• Kópa­vogur 754.248
• Hafn­ar­fjörður 284.750
• Akranes 144.400
• Fjalla­byggð 57.850
• Akureyri 288.235
• Norð­ur­þing 108.339
• Reykja­nes­bær 313.598
• Grinda­vík­ur­bær 140.977
• Árborg 150.000
• Ísa­fjörður 124.480
• F A-Skaft­fell­inga 283.575
• Garðabær og Álftanes 231.301
• Sand­gerð­is­bær  66.100

Samtals sveit­ar­fé­lög             5.695.853