Hinn átta ára gamli Jónas átti ynd­is­legan dag í þar­síð­ustu viku þegar hópur bif­hjóla­manna bank­aði upp á heima hjá honum og bauð honum á rúnt­inn. Jónas er fórn­ar­lamb ein­eltis og steig móðir hans fram í við­tali við Stundina í júlí á þessu ári og sagði sögu hans. Jónas lauk öðrum bekk í sumar en móðir hans, Steinunn Anna Sig­urð­ar­dóttir, líkti skóla­göngu sonar síns við eina langa martröð. Var Jónas greindur með mál­skiln­ings­röskun og fram­burð­ar­frá­vik, sem gerir honum erfitt að tjá sig, og hafði það verið skot­spónn barna og ung­linga í grunn­skóla Jónasar í Reykja­nesbæ.

Saga Jónasar snerti taugar hjá nokkrum bif­hjóla­mönnum sem vildu sýna drengnum kær­leik og sam­stöðu. Höfðu þeir sam­band við móður Jónasar og komu litla drengnum á óvart.

„Ég er nán­ast enn með tárin í aug­unum. Allt þetta fal­lega fólk sem kom og sagði syni mínum að hann ætti sko fullt af vinum sem væri alls ekki sama um hann. Algjör­lega óum­beðið. Þetta kall­ast að sýna kær­leik­ann í verki og ég er þeim öllum afar þakk­lát,“ segir Steinunn Anna um heim­sókn­ina óvæntu.