Frændur vorir Norðmenn eru þekktir fyrir að leita til Íslands þegar mikið liggur við, sem er reyndar ástæða þess að nokkur býr hér yfir­höfuð. Í seinni tíð hafa þeir reynt að eigna sér Leif Eiríks­son, ráðið til sín Svíann Lars Lagerbäck beint úr íslenskum æfinga­búðum og nú er röðin komin að Halldóri Guð­munds­syni. Halldór var, eins og flestir vita, síð­ast fram­kvæmda­stjóri Hörpu hér­lendis, en sá einnig um að skipu­leggja íslensku heim­sókn­ina til Frank­furt árið 2011. 

Ekki var að sjá á norska skál­anum að hann bæri sér­stök höf­und­ar­ein­kenni Halldórs. Að mörgu leyti er hann and­stæða hins íslenska. Á meðan íslenski skál­inn var hlýr og nota­legur, þar sem gestum var boðið upp á að setj­ast niður með bók í sófa með nátt­úru­myndir sem bak­grunn, þá var norski skál­inn skjanna­hvítur með speglum á veggjum og meira í ætt við það sem kalla má „Nordic Cool“.  

Íslendingar og Norðmenn til bjargar flóttamönnum

„Við höfum …