Alþingi fær ekki upp­lýs­ingar um tekjur og gjöld Fang­els­is­mála­stofn­unar vegna vinnu afplán­un­ar­fanga und­an­farin tíu ár. Þá hefur dóms­mála­ráðu­neytið engar upp­lýs­ingar um fjölda fanga sem eiga aðild að stétt­ar­fé­lagi. 

„Samkvæmt upp­lýs­ingum frá Fang­els­is­mála­stofnun rík­is­ins er ekki hægt að sund­ur­liða gjöld vegna vinnu afplán­un­ar­fanga sér­stak­lega,“ segir í svari dóms­mála­ráð­herra við fyr­ir­spurn Álf­heiðar Eymars­dóttur, vara­þing­konu Pírata, um málið. 

Fram kemur að ýmsir kostn­að­ar­þættir séu ekki „sér­skil­greindir sér“ og því sé ekki unnt að svara fyr­ir­spurn­inni. „Sem dæmi má nefna að laun fanga­varða sem eru eft­ir­lits­að­ilar og leið­bein­endur á öllum vinnu­stöðum eru ekki skil­greind sér­stak­lega sem gjöld á móti tekjum heldur eru laun þeirra hluti af heild­ar­rekstr­ar­kostn­aði fang­elsanna. Þá er ýmis afleiddur kostn­aður við vinnu fanga, svo sem raf­magn, hiti, leiga, fast­eigna­gjöld, við­hald hús­næðis og ýmis annar rekstr­ar­kostn­aður sem fellur til hluti af heild­ar­rekstr­ar­kostn­aði hvers fang­elsis fyrir sig.“