Aldís Schram, dóttir Jóns Baldvins Hanni­bals­sonar, mót­mælir orðum föður síns um mein­tan geð­sjúk­dóm hennar. Vottorð sér­fræð­ings segir hana ekki haldna geð­hvarfa­sýki. Einkenni áfallastreitu vegna kyn­ferð­is­brots séu hins vegar til staðar.

Í Stund­inni lýsa fjórar konur kyn­ferð­is­legri áreitni af hendi Jóns Baldvins. Umfjöll­un­ina í heild má lesa í tölu­blaði Stund­ar­innar sem kom út í dag.

Í sam­tali við Stundina sagði Jón Baldvin frá­sagnir kvenn­anna eiga rætur að rekja til dóttur sinnar og kallar málið „fjöl­skyldu­harm­leik“. „Aldís dóttir mín hefur spunnið þær sögur og það er þyngra en tárum taki. Ég hef svarað því áður og end­ur­tek það ekki.“

Aðspurður hvað þetta hafi með fram­burð kvenn­anna fjög­urra að gera, sagði Jón Baldvin að því megi velta fyrir sér. „Kynntu þér stöðu Aldísar dóttur minnar, hún hefur átt við geð­ræn vanda­mál að stríða all­lengi. Ég hélt að það væri að lag­ast, hef engar áreið­an­legar heim­ildir fyrir því svo sem.“

Aldís hefur síðan 1992 verið nauð­ung­ar­vi­stuð sex sinnum á geð­deild, sem hún segir alltaf hafa verið fyrir til­stilli föður síns. „Af því gefna til­efni að Jón Baldvin Hanni­bals­son, enn og aftur, svertir opin­ber­lega æru mína í því skyni að fá hreinsað sína - og fjöl­miðla­menn hafa ekki ljáð minni rödd mál­stað í sínum miðlum til að ég fái borið hönd fyrir höfuð mér, birti ég hér, til að fá kveðið niður í eitt skipti fyrir öll þessa vís­vit­andi lygi hans um mína meintu geð­veiki, eft­ir­far­andi vott­orð dr. Gunnars Hrafns Birg­is­sonar því til sönn­unar að ég hvorki er né hef nokkurn tíma verið haldin geð­sjúk­dómi - sem og lækn­is­vott­orð heim­il­is­læknis míns,“ skrifar Aldís í til­kynn­ingu til Stund­ar­innar. Þá birtir hún einnig færslu um málið á Facebook síðu sinni.

Vottorð sýnir ekki geðhvarfasýki

Aldís leit­aði til Gunnars árið 2014 og tók hann við­töl við hana yfir tveggja mán­aða skeið og lagði fyrir hana ýmis próf. „Sam­an­tekið benda nið­ur­stöður skimunar þess­arar, sem gerð var með klínískum við­tölum og spurn­inga­listum, ekki til geð­hvarfa­sýki, þ.e. geð­rösk­unar sem fyrrum nefnd­ist manic-depression,“ segir í bréf­inu. „Það fund­ust ein­kenni áfallastreitu, en ekki næg til þess að hægt sé að álykta um heil­kenni áfallastreiturösk­unar.“

Einkenni áfallastreiturösk­un­ar­innar hjá Aldísi benda til kyn­ferð­is­of­beldis, að því er segir í vott­orði Gunnars. „Útkoma á PSS-SR spurn­inga­lista um áfallastreitu ein­kenni eftir kyn­ferð­is­of­beldi er 28 stig, sem telst benda til alvar­legra ein­kenna. Þessar útkomur benda til ein­kenna eftir áfall eða áföll, en þær eru út af fyrir sig ekki grein­ing á áfallastreituröskun.“