Öryrkjar og aldraðir losna við komugjöld

Hætt var að inn­heimta komu­gjöld af öryrkjum og öldruðum í heilsu­gæslu og hjá heim­il­is­læknum þann 1. jan­úar síð­ast­lið­inn, sam­kvæmt ákvörðun Svan­dísar Svav­ars­dóttur heil­brigð­is­ráð­herra, að því er fram kemur á vef vel­ferð­ar­ráðu­neyt­is­ins. Þar kemur jafn­framt fram að þar gildi jafnt hvort sem um er að ræða komu á dag­vinnu­tíma eða á öðrum tímum sól­ar­hrings­ins. Þá var gjald fyrir vitj­anir lækna til aldr­aðra og öryrkja einnig fellt niður. 

„Þetta er mik­il­væg aðgerð og liður í stefnu stjórn­valda um að draga úr greiðslu­þátt­töku sjúk­linga vegna heil­brigð­is­þjón­ustu og auka á móti fram­lög hins opin­bera. Þetta er einnig í sam­ræmi við þá áherslu að efla hlut­verk heilsu­gæsl­unnar sem fyrsta við­komu­staðar fólks í heil­brigð­is­kerf­inu“ er haft eftir Svandísi Svav­ars­dóttur heil­brigð­is­ráð­herra í til­kynn­ing­unni. Á vef Öryrkja­banda­lags Íslands er ráð­herr­ann hvattur til að beita sér fyrir því að kostn­aður við sál­fræði­með­ferð verði einnig felldur inn í heilsu­gæsl­una og að aðgengi að þeirri mik­il­vægu þjón­ustu verði aukið til …