Þingmenn Mið­flokks­ins telja að Bára Hall­dórs­dóttir, 42 ára öryrki sem hljóð­rit­aði hávær sam­skipti þeirra á Klaustri Bar þann 20. nóv­em­ber, hafi ekki komið hreint til dyr­anna. Frásögn hennar sé ótrú­verðug og „stand­ist ekki skyn­sem­is­skoðun“. 

Þetta kom fram í máli Reimars Pét­urs­sonar, lög­manns þeirra Sig­mundar Davíðs Gunn­laugs­sonar, Gunnars Braga Sveins­sonar, Bergþórs Ólasonar og Önnu Kol­brúnar Árna­dóttur, í Hér­aðs­dómi Reykja­víkur í dag.

Reimar Pét­urs­sonlög­maður fjór­menn­ing­anna úr Mið­flokknum

Mynd: Davíð Þór

Reimar sagði að myndefni úr eft­ir­lits­mynda­vélum, bæði Alþingis og Dóm­kirkj­unnar, ætti að geta varpað skýr­ara ljósi á atburð­ina 20. nóv­em­ber, meðal ann­ars það hvernig Bára hefði  leynt því að hún væri að taka þing­menn­ina upp, hvaða að­ferðum hún beitti og hversu sterkur ásetn­ingur hennar til brots­ins hefði verið. Benti lög­mað­ur­inn á að Bára hefði sagst ekki vera borg­un­ar­maður fyrir greiðslu miska­bóta og því væri „ástæða til að athuga hverjir voru með henni“. 

Fjór­menn­ing­arnir úr Mið­flokknum vilja að Bára sæti refs­ingu og greiði þeim miska­bætur vegna „njósn­a­að­gerðar“ sem þeir telja sig hafa orðið fyrir á Klaustri. Þá hafa þeir kallað eftir því að Per­sónu­vernd sekti Báru. Þetta er ljóst af bréfum sem Reimar Pét­urs­son, lög­maður þing­mann­anna, hefur sent hér­aðs­dómi og Per­sónu­vernd.

Þing­menn­irnir vilja að aflað verði gagna til vitnis um manna­ferðir og aðstæður á Klaustri bar þann 20. nóv­em­ber.

„Skýrslu­taka yfir mann­eskju sem gerð­ist sek um eða tók á sig sök um hlerun er ein­ungis einn liður í nauð­syn­legri gagna­öflun. Við reiknum fast­lega með því að ýmis­legt eigi eftir að koma fram,“ segir í yfir­lýs­ingu sem Mið­flokk­ur­inn birti á Facebook þann 12. des­em­ber síð­ast­lið­inn. 

„Við reiknum fast­lega með því að
ýmis­legt eigi eftir að koma fram“

Á upp­tök­unum af Klaustri heyr­ast þing­menn­irnir tala með niðr­andi og klám­fengnum hætti um konur, hæð­ast að sam­kyn­hneigðum söngv­ara og bar­áttu­konu fyrir rétt­indum fatl­aðra og gorta af því að hafa mis­beitt valdi við skipun sendi­herra. 

Mynd: Davíð Þór