Erfið stemning í þingveislu á Bessastöðum í gær – myndir

Þingmenn fjöl­menntu í þing­veislu á Bessa­stöðum, sem haldin er árlega í til­efni af full­veld­is­deg­inum, í gær. And­rúms­loftið mun hafa verið litað af upp­ljóstr­unum síð­ustu daga en tveir þing­menn Mið­flokks­ins, þeir Bergþór Ólason og Gunnar Bragi Sveins­son, létu ekki sjá sig í veisl­unni. Vísir og Eyjan hafa greint frá því í morgun að Stein­grímur J. Sig­fús­son, for­seti Alþingis, hafi komið þeim skila­boðum á fram­færi að beiðni Guðna Th. Jóhanns­sonar, for­seta, að nær­veru þeirra væri ekki óskað 

Forseti hóf veislu­höld á því að ræða fíl­inn í her­berg­inu, þ.e. mál mál­anna og hin ógeð­felldu ummæli sem þing­menn Mið­flokks­ins og Flokks fólks­ins létu falla á Klaustur bar þann 20. nóv­em­ber, og Stundin hefur fjallað um með ítar­legum hætti. Þingmenn sem Stundin hefur rætt við segja að þetta hafi hjálpað til við að að gera erf­iða sam­komu bæri­legri, en stemn­ingin var eins og gefur að skilja ekki sú besta.

Sig­mundur Davíð Guð­munds­son, þing­maður Mið­flokks­ins, og einn þeirra sem lét óvið­ur­kvæmi­leg orð falla á Klaustri bar, lét sig ekki vanta þó að félagar hans hafi ekki mætt, en hann ku hafa verið „hress og sprækur líkt og hann væri hrókur alls fagn­aðar,“ eins og einn við­mæl­andi komst að orði. „En það var hann ekki,“ segir sá hinn sami. 

Þing­heimur lék á reiði­skjálfi í gær og fundað var á öllum hæðum Alþingis vegna máls­ins. Hegðun og tungu­tak þing­mann­anna þykir ekki til þess fallið að auka veg og virð­ingu Alþingis sem hefur átt við tölu­verðan ímynd­ar­vanda að stríða síð­ustu ár. Þing­veislan, sem haldin var í skugga upp­ljóstran­anna, fór fram í vinda­sömu veðri eins og með­fylgj­andi myndir sína. 

Simmi sprækurSig­mundur Davíð Gunn­laugs­son, þing­maður Mið­flokks­ins, var hress og sprækur í veisl­unni í gær, en sam­flokks­menn hans, þeir Gunnar Bragi Sveins­son og Bergþór Ólason, mættu ekki. Anna Kolbrún Árna­dóttir, sam­flokks­kona hans, kom einnig í boðið.

Fordæmir ummælinLogi Ein­ars­son, for­maður Sam­fylk­ing­ar­innar, hefur gagn­rýnt þá þing­menn Mið­flokks­ins og Flokks fólks­ins sem töl­uðu með niðr­andi hætti um konur.

Forseti kom skila­boðum áleiðisStein­grímur J. Sig­fús­son, for­seti Alþingis, mun hafa komið þeim skila­boðum áleiðis til þing­mann­anna Gunnars Braga Sveins­sonar og Bergþórs Ólasonar að nær­veru þeirra væri ekki óskað í veisl­unni.

Storma­samir tímar á þingiVeðrið lék ekki við þing­menn og ráð­herra þegar þeir yfir­gáfu þing­veisl­una, en Sigríður Andersen inn­an­rík­is­ráð­herra mætti líkt og aðrir ráð­herrar rík­is­stjórn­ar­innar.

Sæmileg stemn­ingHalldóra Mogensen, þing­maður Pírata, yfir­gefur þing­veisl­una á Bessa­stöðum þar sem stemn­ingin var eftir atvikum sæmi­leg.

Allra veðra vonÁsmundur Einar Daðason félags­mála­ráð­herra mætti eins og aðrir ráð­herrar rík­is­stjórn­ar­innar í þing­veisl­una á Bessa­stöðum.