Mikil sókn í sjúkrasjóði verkalýðsfélaga

Greiðslur sjúkra- og dag­pen­inga hafa auk­ist veru­lega hjá verka­lýðs­fé­lög­unum VR og Eflingu það sem af er ári. Hækkunin hjá VR nemur 43% á fyrstu sjö mán­uðum árs­ins miðað við sama tíma­bil í fyrra. Þetta kemur fram í Morg­un­blað­inu í dag.

Ragnar  Þór Ing­ólfs­son, for­maður VR, segir að iðgjöld í sjúkra­sjóð hafi numið 1,8 millj­örðum króna í fyrra og verði hærri í ár. Útgreiðslu­hlut­fallið sé hins vegar komið í 80% og ef fram fer sem horfir muni að lokum þurfa að grípa til skerð­inga.

„Við viljum vita af hverju fólkið okkar er að gef­ast upp,“ segir Ragnar. „Hvað er það í okkar sam­fé­lagi sem veldur því að við erum að missa fólk í þetta miklum mæli í veik­indi, í streitu­tengda sjúk­dóma, og út af vinnu­mark­aði?“

Síðbúin áhrif frá hruninu

Dag­pen­inga­greiðslur Eflingar til félags­manna hafa auk­ist um 39% milli ára, en hækk­unin skýrist að hluta af hærri launum og fjölgun félags­manna. „Þó er ljóst að veikum hefur fjölgað, þeir voru lengur veikir og fengu hærri upp­hæðir,“ segir Sigríður Ólafs­dóttir, sviðs­stjóri sjúkra­sjóðs hjá Eflingu, við Morg­un­blaðið.

Ragnar segir að nú sé starf­andi rann­sókn­ar­hópur á vegum VIRK þar sem ástandið sé greint. Hann nefnir að mögu­lega sé um að ræða síð­búin áhrif frá banka­hrun­inu. „Það eina sem við vitum er að þessi þróun getur ekki haldið áfram enda­laust,“ segir Ragnar. „Sam­fé­lagið þarf að stíga inn í og spyrja spurn­inga. Annars mun þetta leggj­ast af þunga á almanna­trygg­inga­kerfið.“