Rík­is­stjórnin hefur til skoð­unar breyt­ingar á tekju­skatts­kerf­inu sem miða að því að tekju­tengja per­sónu­af­slátt og end­ur­skoða skatt­hlut­föll og skatt­þrep. Horft er til þess að per­sónu­af­slátt­ur­inn verði fyrst stig­hækk­andi en síðan stig­lækk­andi með tekjum eftir að ákveðnu hámarki hefur verið náð. Þá verði hann útgreið­an­legur til þeirra sem ekki ná að full­nýta hann. 

Vinna að til­lögum um breytt skatt­kerfiAxel Hall hag­fræð­ingur og sér­fræð­ingur í skatta­málum leiðir hóp sem vinnur að end­ur­skoðun tekju­skatts­kerf­is­ins.

MYND: HÁSKÓLI ÍSLANDS

Þessar hug­myndir liggja til grund­vallar vinnu sér­fræð­inga­hóps um heild­ar­end­ur­skoðun á tekju­skatti ein­stak­linga. Þetta stað­festir Axel Hall, for­maður hóps­ins, og vísar til umfjöll­unar í ramma­grein fjár­mála­á­ætl­unar rík­is­stjórn­ar­innar sem ber yfir­skrift­ina „Betra tekju­skatts­kerfi“. Þar kemur fram að rík­is­stjórnin vilji að fram­tíð­ar­kerfi tekju­skatts og bóta verði „ein­fald­ara, skil­virkara og gegn­særra“ en núver­andi kerfi, hvetji til vinnu en auki ráð­stöf­un­ar­tekjur tekju­lágra. „Þetta er í grunn­inn verk­efni nefnd­ar­innar,“ segir Axel. Í ramma­grein fjár­mála­á­ætl­unar og til­lögum Sam­ráðs­vett­vangs um aukna hag­sæld frá 2016 er lagt upp með að tekju­hærri ein­stak­lingar verði án persónuaf­sláttar en greiði í stað­inn lægri jað­ar­skatt, það er lægra hlut­fall hæstu tekna sinna í skatt en nú er. 

Stýrinefnd skipuð aðstoð­ar­mönnum ráð­herra fylgist með vinnu sér­fræð­inga­hóps­ins og munu fyrstu til­lögur liggja fyrir í októ­ber. Náist ekki sam­staða um breyt­ingar í anda ramma­grein­ar­innar má vænta ein­fald­ari skatt­breyt­inga, svo sem eins pró­sentu­stigs lækkun á skatt­hlut­falli neðra þreps eins og Bjarni Bene­dikts­son fjár­mála­ráð­herra hefur talað fyrir og upp­haf­lega var boðað í stjórn­ar­sátt­mála rík­is­stjórn­ar­innar. Slíkt myndi fela í sér þrisvar sinnum meiri búbót fyrir hátekju­fólk heldur en fólk á lág­marks­launum.

Möguleg útfærsla á hinni leið­inni, sem var kynnt á sam­ráðs­fundi stjórn­valda og aðila vinnu­mark­að­ar­ins í sumar, felur í sér að mann­eskja sem í dag myndi greiða 46,24 pró­senta skatt af tekjum yfir 893 þús­und krónum á mán­uði myndi greiða lægra hlut­fall þess­ara tekna í skatt en á móti glata per­sónu­af­slætt­inum sem í dag nemur 646.739 krónum á ári. Fyrir þann fámenna hóp sem þénar nógu háar launa­tekjur til að ábat­inn af lækkun skatt­hlut­falls­ins í efra þrepi sé meiri en nemur brott­fell­ingu per­sónu­af­slátt­ar­ins myndu breyt­ing­arnar þannig fela í sér kjara­bætur. Þetta á til að mynda við um tekju­hæstu for­stjóra lands­ins og stjórn­endur í fjár­mála­geir­anum sem þéna tugi millj­óna á mán­uði.