Rammaskipulag tilbúið þar sem „neyðarbraut“ var áður

Borg­ar­ráð sam­þykkti í lok júní ramma­skipu­lag fyrir svæðið sem kallað er „Nýi Skerja­fjörður“. Gert er ráð fyrir 1.200 íbúðum, nýjum skóla, verslun og þjón­ustu á svæð­inu sem áður fór undir svo­kall­aða „neyð­ar­braut“ Reykja­vík­ur­flug­vallar.

Nýja hverfið verður austan megin við núver­andi Skerja­fjörð og liggur það að strönd­inni í átt að Fossvogi. Gert er ráð að teng­ingu yfir til Kársness með bygg­ingu brúar yfir Fossvog fyrir umferð gang­andi, hjólandi og almenn­ings­sam­gangna. Einnig er hugsað um teng­ingu við áfram­hald­andi byggð í Vatns­mýr­inni „þegar flug­völl­ur­inn víkur þaðan,“ sam­kvæmt til­kynn­ingu á vef Reykja­vík­ur­borgar.

Stúd­entar og Bjarg, bygg­ing­ar­fé­lag verka­lýðs­hreyf­ing­ar­innar, hafa fengið vil­yrði fyrir lóðum á svæð­inu. Gert er ráð fyrir að flug­sög­unnar verði minnst með svoköll­uðu „flug­torgi“ og einnig verður byggð upp aðstaða til þess að stunda sigl­ingar. „Ramma­skipu­lagið gerir ráð fyrir fjöl­breyttum húsa­gerðum og ríku­legum, grænum almenn­ings­rýmum sem hönnuð verða út frá sól­ar­áttum og skjóli,“ segir í til­kynn­ing­unni.

Miðflokkur og Sjálfstæðisflokkur mótmæltu