Ég var upp­runa­lega í Tækni­skól­anum á tölvu­braut og fékk smá ógeð á því að vera í námi. Svo var ég á mynd­list­ar­braut í Fjöl­brauta­skól­anum í Breið­holti en átti erfitt með námið þar. Ég er að fara að klára stúd­ent­inn í haust, ég er að fara til Ísa­fjarðar og taka hann þar. Það er planið. Ég valdi nýsköp­un­ar­braut eða opna braut, ég á eftir að ákveða hvað ég vil gera en ákvað bara að vera búinn með stúd­ents­prófið þannig að ég geti gert eitt­hvað við það. Ég er spenntur, frænka mín býr þar og það var hún sem fékk mig til að fara þangað. Hún vinnur þarna í mennta­skól­anum. Ég hef samt aldrei farið til Ísa­fjarðar, bara keyrt þarna í gegn. Ég verð minnst eitt og hálft ár á Ísafirði og mögu­lega lengur ef mér líkar við að búa þar.  Ég vinn núna í Tiger og mér líkar það ágæt­lega, það er fínt og líka stutt frá þar sem ég á heima. Annars er fólkið sem vinnur með mér það skemmti­leg­asta við starfið, það er auð­velt að spjalla við það. Ég verð örugg­lega í sam­bandi við þá sem ég þekki í bænum, en ég held ég muni sakna mest 24 tíma búða því ég enda oft á því ég er oft vak­andi seint á kvöldin.