Kvartar yfir að „þurfa að sitja alltaf undir því að Sjálfstæðisflokkurinn sé einhver spillingarflokkur“

Dóra Björt Guð­jóns­dóttir, odd­viti Pírata og Hildur Björns­dóttir, sem skipar annað sæti á lista Sjálf­stæð­is­flokks­ins í Reykja­vík, tók­ust hart á um borg­ar­stjórn­ar­málin í við­tali í þætt­inum Harma­geddon á útvarps­stöð­inni X-inu í gær. 

Hildur gagn­rýndi rekstur borg­ar­innar, en Dóra Björt svar­aði á þá leið að skuldir sveit­ar­fé­laga undir stjórn Sjálf­stæð­is­flokks­ins væru hlut­falls­lega meiri heldur en skuldir Reykja­vík­ur­borgar þótt borgin stæði betur að vígi í vel­ferð­ar­málum.

Hildur sagð­ist ekki getað tekið undir þetta og vildi einnig fá að vita hvað Dóra Björt ætti við þegar hún segði að það væri ekki hægt að vinna með Sjálf­stæð­is­flokknum fyrr en hann tæki til hjá sér.

Hún fékk þau svör að það þyrfti ekki að fara langt aftur í tím­ann til að sjá hvaða „rugl hafi verið í gangi“ þegar Sjálf­stæð­is­flokk­ur­inn hefði stjórnað borg­inni.

„Það er algjör­lega rangt að halda því fram og þurfa að sitja alltaf undir því að Sjálf­stæð­is­flokk­ur­inn sé ein­hver spill­ing­ar­flokkur,“ svar­aði Hildur að bragði.

Þess má geta að Sjálf­stæð­is­flokk­ur­inn sat síð­ast í borg­ar­stjórn­ar­meiri­hluta meiri­hluta á kjör­tíma­bil­inu 2006 til 2010, en tíð stjórn­ar­slit ein­kenndu þann tíma.  

Aðspurð hvers konar til­tekt Píratar köll­uðu eftir nefndi Dóra Björt akst­urs­greiðslu­mál þing­manna, „Braga­málið“ og Panama­skjölin sem dæmi um spill­ing­ar­mál Sjálf­stæð­is­flokks­ins, auk ótrú­verð­ugs mál­flutn­ings þar sem flokk­ur­inn hefði  leyft sér að fara frjáls­lega með stað­reyndir, til dæmis varð­andi rekstur borg­ar­innar.

Hún sagði traust nauð­syn­legt í meiri­hluta­sam­starfi og þeir sem segðu ekki satt í kosn­inga­bar­áttu væru ótrú­verð­ugir. Þar nefndi hún ólög­leg kosn­inga­lof­orð Eyþórs Arnalds sem dæmi. Hildur sagð­ist ekki sjá betur en hún væri sjálf að segja ósatt og að fram­setn­ingin væri óheið­ar­leg.