Getur loksins andað að sér ferska loftinu án sársauka og ótta

Gerður Ósk Hjalta­dóttir hefur lifað við erfið veik­indi frá ung­lings­ár­unum. Hún missti húð á höndum og fótum við álag vegna sjálfsof­næmis, en er núna komin á betri stað og byrjuð að hjálpa öðrum með því að stofna hóp á Facebook til að deila góðum ráðum um betrun.

„Vinkonu minni, Sólveigu Björns­dóttur, datt í hug að stofna svona hóp en sjálfa hefur mig lengi langað til að gera eitt­hvað þar sem konur og karlar geta deilt sögum af sjálfum sér – hvað hjálpar við­kom­andi, hvernig hægt er að styrkja hvert annað án þess að vera að dæma og fundið ráð,“ segir Gerður Ósk Hjalta­dóttir.

„Mark­miðið er að geta hjálpað. Fólk á að geta farið inn á þessa síðu og fundið ein­hvern vett­vang til að deila reynslu sinni, hjálpað hvað öðru og leið­beint þannig að við getum verið besta útgáfan af okkur sjálfum. Það er aðal­fók­us­inn – hvaða leið sem …