Dýralæknirinn sem keypti kaupfélag

Ólafur Valsson dýra­læknir hefur starfað víða um heim. Hann flutti nýverið í Árnes­hrepp, fámenn­asta hrepp lands­ins, og tók að sér rekstur kaup­fé­lags­ins sem Hólm­vík­ingar höfðu tekið ákvörðun um að loka.„Það er sjálf­sagt eitt­hvað í mínum karakter að hafa gaman af því að takast á við áskor­anir. Mér finnst það vera ákveðin áskorun að flytja í Árnes­hrepp,“ segir Ólafur Valsson, versl­un­ar­maður í Norð­ur­firði á Ströndum.

Ólafur er mennt­aður dýra­læknir og hefur starfað í því fagi víða um heim. Margir urðu undr­andi þegar það frétt­ist að hann, ásamt eig­in­konu sinni, Sif Kon­ráðs­dóttur lög­fræð­ingi, væru að flytja þangað sem veg­ur­inn endar í því skyni að taka að sér versl­un­ar­rekstur í hreppnum þar sem um 40 manns eiga lög­heim­ili og aðeins helm­ingur þeirra hefur vet­ur­setu á svæð­inu. Ákvörð­un­ina tóku hjónin þegar ljóst varð að Kaup­fé­lag Stranda­manna ætl­aði ekki lengur að halda úti verslun í Árnes­hreppi. Rúmlega 100 kíló­metrar eru þaðan í næstu …