Flug­virkja­fé­lag Íslands, FVFÍ, og Icelandair hafa kom­ist að sam­komu­lagi um að yfir­stand­andi verk­falli félags­ins verði aflýst. Þetta kemur fram í sam­eig­in­legri yfir­lýs­ingu þeirra.

Verk­fallið hófst á mið­nætti og hafði fjöl­mörgum flug­ferðum Icelandair verið aflýst það sem af var morgni. Kjara­deila flug­virkja og Icelandair hefur staðið um nokk­urt skeið og lítið þok­ast í átt að lausn síð­ustu daga.

Fjórar vikur til samninga

Í sam­eig­in­legri yfir­lýs­ingu Icelandair og FVFÍ segir að ákvörð­unin um að aflýsa verk­fall­inu hafi verið tekin til að forða frekara tjóni fyrir fyr­ir­tækið, við­skipta­vini, starfs­fólk og aðra sem málið varðar.

Samið hefur verið um að nýta næstu fjórar vikur til mark­vissra við­ræðna sam­kvæmt verk­stýrðri við­ræðu­á­ætlun rík­is­sátta­semj­ara. Mark­miðið sé að ljúka samn­inga­gerð um nýjan kjara­samn­ing.

Á þeim tíma verði unnið að lausnum á þeim atriðum sem enn standi út af. Icelandair og FVFÍ hyggj­ast meðal ann­ars …