Innlent

Jörð nötrar nálægt Hellisheiðarvirkjun

Skammt frá þjóð­vegi eitt stend­ur yf­ir skjálfta­hrina. Upp úr klukk­an fjög­ur varð skjálfti að stærð 3,8.

Jörð nötrar nálægt Hellisheiðarvirkjun
Skjálftasvæðið Hér sést skjálftasvæðið frá tilraunamastri skammt frá Nesjavallaleið.

Jörð nötrar enn þar sem skjálfti að stærðinni 4,5 varð aðeins um 2,5 kílómetrum frá byggingum við Hellisheiðarvirkjun vestur af Henglinum klukkan 13.45 í dag. 

Skjálftinn varð á 4,5 kílómetra dýpi. Aðeins 2,5 kílómetrar eru frá upptökum skjálftans að Hringveginum. Hann fannst vel á höfuðborgarsvæðinu og í Hveragerði.

„Fólk nálægt upptökunum gæti hafa fundið sterkan kipp, séð hluti hristast eða færast til og heyrt brak eða dynki í húsum. Fjær upptökunum fannst skjálftinn vægar þar sem styrkur hristingsins dvínar afar hratt eftir því sem fjær upptökunum dregur,“ sagði í tilkynningu Veðurstofunnar í dag.

Veðurstofan hefur fengið fjölda tilkynninga um að skjálftinn hafi fundist greinilega víða á Suðvesturlandi m.a. á Akranesi og undir Eyjafjöllum.

Yfir 700 skjálftar hafa nú orðið á svæðinu síðan í gær. Tiltölulega algengt er að skjálftahrinur verði á svæðinu, en Veðurstofan mun fylgjast með. 

Uppfært: Annar skjálfti upp á 3,8 varð klukkan 16.18 steinsnar frá vegamótum þjóðvegar 1 og Þrengslavegar.

Áhrif skjálftansMyndirnar þrjár sýnir hristikort með áhrifum jarðskjálftans. Stjarnan sýnir hvar skjálftinn átti sér upptök. Litirnir gefa til kynna styrk hristingsins þar sem heitari litir tákna sterkari hristing.
Mynd: Veðurstofan

Skjálftahrinan er nálægt svæði sem talið er í hættumati Veðurstofunnar vera líklegasta upptökusvæði eldgosa á Reykjanesskaga. Hún fellur hins vegar undir kerfi Brennisteinsfjalla, eins og það hefur verið skilgreint, en þau fjöll sem kerfið er kennt við liggja vestar og nær Kleifarvatni.

Búist er við því að stærstu mögulegu skjálftar á höfuðborgarsvæðinu verði í Brennisteinsfjöllum, eða allt að 6,4 að stærð. Síðast urðu svo stórir skjálftar þar árin 1929 og 1968. Voru áhrif skjálftanna jafnvel talin meiri en af stóra Suðurlandsskjálftanum 1896. Búist er við slíkum skjálftum á um 50 ára fresti að jafnaði í Brennisteinsfjöllum.

Landris og kvikusöfnun heldur áfram undir Svatrsengi. Frá því að eldgosahrina hófst á Sundhnúkagígum norður af Grindavík hefur aldrei verið metið meira rúmmál kviku undir svæðinu. Síðasta gosi lauk þar 17. júlí í fyrra.

Lega skjálftannaSkjálftahrinan á sér stað skammt austur af þjóðvegi 1, nálægt Litlu kaffistofunni.
Mynd: Veðurstofan
Kjósa
4
Hvernig finnst þér þessi grein? Skráðu þig inn til að kjósa.
Efnisorð

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Mest lesið

Mest lesið í vikunni

Milljarða fjárfestingar Guðbjargar sem ekki sjást í skýrslunni
1
Úttekt

Millj­arða fjár­fest­ing­ar Guð­bjarg­ar sem ekki sjást í skýrsl­unni

Við­skipta­veldi Guð­bjarg­ar Matth­ías­dótt­ur bygg­ir fyrst og fremst á hagn­aði í sjáv­ar­út­vegi. Frá því að hún sett­ist í stjórn Ís­fé­lags­ins hafa nærri 15 millj­arð­ar streymt úr Ís­fé­lag­inu í Vest­manna­eyj­um til Guð­bjarg­ar og fjöl­skyldu. Hvorki hún né fjár­fest­ing­ar henn­ar koma fram í skýrslu sem unn­in var að beiðni Al­þing­is um eign­ir, eig­end­ur og fjár­fest­ing­ar stærstu út­gerð­ar­fé­laga lands­ins.
Halldór Jörgen Olesen
3
Aðsent

Halldór Jörgen Olesen

Hver borg­ar fyr­ir arð­semi bank­anna?

Ís­lensku bank­arn­ir græða nærri tvö­falt meira á hverri lán­aðri krónu en evr­ópsk­ir bank­ar. Há­ir stýri­vext­ir Seðla­bank­ans juku hagn­að­inn, en bjuggu hann ekki til. Skýr­ing­in ligg­ur í þrennu: að­eins þrír stór­ir bank­ar skipta mark­aðn­um á milli sín, verð­tryggð lán færa verð­bólgu­áhætt­una frá bönk­un­um yf­ir á heim­il­in, og krón­an lok­ar land­inu fyr­ir sam­keppni að ut­an. Töl­urn­ar stand­ast skoð­un og spurn­ing­arn­ar sem þær vekja gera það líka.

Mest lesið í mánuðinum

Sáu sárin sem hún faldi
1
ViðtalElsku Embla

Sáu sár­in sem hún faldi

Þann 7. júní verða fimm ár lið­in frá frá­falli Emblu Arn­ars Katrín­ar­dótt­ur. And­lát henn­ar var harma­fregn fyr­ir sam­fé­lag­ið, en fjöl­skyld­an sat eft­ir með sorg­ina. Löngu áð­ur en Embla fékk grein­ingu var fjöl­skyld­unni orð­ið ljóst að hún væri orð­in al­var­lega veik, en vegna þess hve þög­ul veik­ind­in voru tók tíma að fá áheyrn. Jafn­vel þá skorti skiln­ing á stöðu barns­ins, sem svipti sig lífi og var jörð­uð á fimmtán ára af­mæl­is­dag­inn sinn.

Mest lesið í mánuðinum

Nýtt efni

Tæknistreita leiddi til skógarbaða
Viðtal

Tækn­istreita leiddi til skóg­ar­baða

Shinrin-yoku, eða skóg­ar­bað eins og það út­leggst á ís­lensku, er heiti á gagn­reyndri að­ferð til streitu­los­un­ar þar sem er ver­ið að beina hug­an­um og skyn­fær­un­um með­vit­að að nátt­úr­unni. Shinrin-yoku var við­bragð við versn­andi lýð­heilsu í Jap­an og er nú hluti af heil­brigðis­kerf­inu þar. Hér hafa þær Gunn­þóra Ólafs­dótt­ir og Ír­is Lana Birg­is­dótt­ir í sam­vinnu við Skóg­rækt­ar­fé­lag Reykja­vík­ur boð­ið upp á skóg­ar­böð í Heið­mörk, sem hafa þó ekk­ert með eig­in­leg böð að gera.

Mest lesið undanfarið ár