„Myndbandi, sem er brot gegn kynferðislegri friðhelgi, var dreift til óviðkomandi, og ég tel líklegt að það verði sakfellt fyrir þann þátt,“ segir Eva Hauksdóttir, réttargæslumaður konu sem kærði tvo menn fyrir kynferðisofbeldi á Akureyri.

Annar mannanna, Kristján Einar Sigurbjörnsson, eða Kleini, var nafngreindur í tengslum við málið og hefur neitað sök í yfirlýsingu sem hann birti á samfélagsmiðlum. Hann ásamt öðrum manni voru kærðir fyrir að nauðga konu á Akureyri í gleðskap í mars.

Lögreglan hefur fellt niður hluta af kærunni, það er þann sem snýr að nauðgun, en sendir áfram þann hluta sem varðar kynferðislega friðhelgi til Héraðssaksóknara.

Eva segir að engin vitni hafi verið að brotinu, ekki frekar en yfirleitt þegar samskonar mál rata til lögreglu, en segir liggja fyrir að myndefni hafi farið í dreifingu. Með því hafi verið brotið sé á kynferðislegri friðhelgi konunnar, að hennar mati.