Donald Trump, forseti Bandaríkjanna, boðaði í dag afskipti af stöðu mála í Nígeríu í þágu kristinna íbúa landsins. Hann sagði að kristnir menn í Nígeríu stæðu frammi fyrir „tilvistarógn“ og kenndi múslimum um „fjöldamorð“ og hvatti bandaríska þingmenn til að rannsaka málið.
Áhyggjur af „þjóðarmorði á kristnum“ í Nígeríu hafa áður verið settar fram af bandarískum þingmönnum, en sérfræðingar segja að sú frásögn skyggi á flóknari veruleika í fjölmennasta ríki Afríku, sem hefur áður hafnað slíkum fullyrðingum.
„Kristni stendur frammi fyrir tilvistarógn í Nígeríu. Þúsundir kristinna eru drepnar. Róttækir íslamistar bera ábyrgð á þessum fjöldamorðum,“ sagði Trump í færslu á samfélagsmiðlinum Truth Social, án þess að leggja fram sönnunargögn til stuðnings fullyrðingum sínum.
Trump sagðist vera að skilgreina Nígeríu sem „land sem vekur sérstakar áhyggjur“ – tilnefning utanríkisráðuneytisins fyrir þjóðir sem „taka þátt í alvarlegum brotum á trúfrelsi.“
Bandaríkjaforseti fól einnig tveimur alríkisþingmönnum að kanna málið.
„Bandaríkin geta ekki staðið hjá á meðan slík voðaverk eiga sér stað í Nígeríu og fjölmörgum öðrum löndum. Við erum reiðubúin, fús og fær um að bjarga okkar frábæra kristna fólki um allan heim!“ bætti Trump við.
Nígería skiptist nánast jafnt milli norðurhluta þar sem múslimar eru í meirihluta og suðurhluta þar sem kristnir eru að mestu.
Norðausturhluti landsins hefur verið í heljargreipum ofbeldisverka vígamanna í meira en 15 ár af hálfu íslamistahópsins Boko Haram, sem hefur kostað meira en 40.000 mannslíf og hrakið tvær milljónir manna á flótta.
Á sama tíma hafa stórir hlutar norðvestur-, norður- og miðhluta landsins orðið fyrir barðinu á glæpagengjum sem kallast „ræningjar“ og ráðast á þorp, drepa og ræna íbúum.
Reglulega er ráðist inn á heimili, þau rænd og síðan kveikt í þeim, án sýnilegrar trúarlegrar ástæðu.
Átök eru einnig tíð milli hirðingja, sem flestir eru múslimar, og bænda, sem flestir eru kristnir, um land og auðlindir, sérstaklega vatn, sem gefur átökunum yfirbragð trúarlegs ágreinings á svæði þar sem áður hefur átt sér stað ofbeldi milli trúarhópa.
Sérfræðingar segja þó að átökin í norður- og miðhluta Nígeríu snúist fyrst og fremst um land, sem er undir þrýstingi vegna fólksfjölgunar og loftslagsbreytinga.
Það er er alrangt samkvæmt Reno Omokri sem er einn öflugasti talsmaður kristinna í Nigeríu en hann er nígerískur kristinn rithöfundur og samfélagsrýnir. Hann er stofnandi Mind of Christ a Christian Center í Nigeríu og hefur talað fyrir hönd kirkjunnar bæði innanlands og á alþjóðavettvangi, meðal annars á Bandaríkjaþingi. Sem fyrrverandi aðstoðarmaður forseta Jonathan Goodluck hefur hann vigt í pólitískum og samfélagslegum umræðum um málefni Nigeríu.
Nígería glímir vissulega við alvarleg innri átök, sjálfstæðir herir í norðvestri, átök bænda og hirðingja í miðbeltinu og leifar hryðjuverka í norðaustri. En sjálfstæð gögn sýna að fleiri múslimar en kristnir hafa orðið fórnarlömbin í þessum átökum.
Samkvæmt Armed Conflict Location and Event Data Project (ACLED) létust 13.485 manns í norðvesturhluta Nígeríu á árunum 2010–2023, FLESTIR MÚSLÍMAR. Í Global Terrorism Index 2024 kemur fram að 8.352 manns hafi verið drepnir af hryðjuverkum á heimsvísu áríð áður.
Þessar tölur afhjúpa fullyrðingar Trump sem ósannindi og hann er eins og í Venezuela örugglega á eftir olíu Nígeríumanna.
Omokri skrifar: Kristnir hafa orðið fyrir árásum, en ENGINN þjóðarmorð hafa átt sér stað. Átök bænda (kristnir) og hirðingja (múslímar/heiðnir) eru fyrst og fremst vegna þjóðfélagsbreytinga , þó trú deilenda sé kynnt sem ástæða átakanna. Að halda öðru fram er áróður sem særir minningu fórnarlamba, bæði kristinna og múslima, og veldur klofningi. Ef kristnir, múslimar eða fylgjendur afrískra hefðbundinna trúarbragða stæðu raunverulega frammi fyrir útrýmingu, myndi ég berjast gegn því með öllum ráðum. En það er einfaldlega ekki að gerast í Nígeríu.
Reno Omokri er nígerískur kristinn rithöfundur og samfélagsrýnir. Hann er stofnandi Mind of Christ Christian Center og hefur talað fyrir hönd kirkjunnar bæði innanlands og á alþjóðavettvangi, meðal annars á Bandaríkjaþingi. Sem fyrrverandi aðstoðarmaður forseta Goodluck Jonathan hefur hann vigt í pólitískum og samfélagslegum umræðum um málefni Nigeríu.
Hvernig er land undir þrýstngi??'