„Hún er að reyn­ast vel. Við verðum ekki vör við annað en að það sé ánægja með þetta. Þetta á að hafa aukið mögu­leika fólks til­eþess að nota Strætó, það er ekki spurn­ing.“

Þetta segir Jóhannes Rún­ars­son, fram­kvæmda­stjóri Strætó, inntur eftir því hvernig þjón­ustu­aukn­ingin sem ráð­ist var í hjá fyr­ir­tæk­inu um miðjan ágúst sé að reyn­ast nú þegar líða fer á haustið.

Breyt­ingin fólst í því að vagnar keyri oftar á anna­tíma og með þeim fór hlut­fall íbúa sem bjuggu innan 400 metra frá stoppi­stöð, sem hefur tíu mín­útna tíðni á anna­tíma, úr um 18 pró­sentum og upp í um 50 pró­sent. Aðgerð­irnar eru hluti af Sam­göngusátt­mál­anum. 

Óljóst hvort aukning sé breytingum að þakka

Mark­miðið með breyt­ing­unni var að auka notkun almenn­ings­sam­gangna. Spurður hvort það sé að takast segir Jóhannes að það komi ekki í ljós alveg strax. „Oft er hæg upp­taka á þjón­ustu­aukn­ingu – fólk þarf að treysta þessu …