Átta ein­stak­lingar búsettir í Mýr­dals­hreppi eru á Hátekju­lista Heim­ild­ar­innar og eru sam­an­lagðar tekjur þess­ara ein­stak­linga rétt um millj­arður króna, en um 881 ein­stak­lingur er búsettur í Mýr­dals­hreppi.

Tveir athafna­menn eru þar atkvæða­mestir, ann­ars vegar skatta­kóngur Suð­ur­lands, hót­el­eig­and­inn Sigurður Elías Guð­munds­son, sem var með um 430 millj­ónir í árs­tekjur, og svo Ágúst Þór Eiríks­son, eig­andi Icewear, sem var með 318 millj­ónir í heild­ar­tekjur.

Þessi átta manna hópur er rétt undir einu pró­senti af heild­ar­fjölda íbúa á svæð­inu, eða 0,82 pró­sent. Á annað hund­rað manns starfa hjá Sigurði Elíasi og um 250 manns hjá Ágústi Þór sem á og rekur Icewear.

Arðbært þorp

Tekju­bilið á milli þeirra sem fá hæstu tekj­urnar á svæð­inu rokka úr um 36 millj­ónum upp í ríf­lega 400 millj­ónir en sá sem er með lægstar tekjur í þessum fámenna hópi er bóndi og land­eig­andi að Reyn­is­fjöru, Ólafur Steinar Björns­son. Ein kona er á list­anum, en það er Elín …