„Ég var að stíga út úr leigu­bíl með vin­konu minni á horn­inu á Laug­ar­vegi og Bar­óns­stíg þegar ég fæ eitt­hvað í and­litið. Ég lít undr­andi í kringum mig og sé að það er svartur bíll rétt undan. Þegar ég horfi á hann þá gefur hann í og fer niður Lauga­veg­inn.“

Svona lýsir Halla Kristín Ein­ars­dóttir atviki sem hún lenti upp úr klukkan tíu í gær­kvöldi, en hún telur að hún hafi verið skotin í kinn­ina með loft- eða túttu­byssu. „Þetta fór í kinn­beinið á mér, ekk­ert langt frá aug­anum. Ég er ekk­ert stórslösuð, en það kom smá far og roði. Ég var aðal­lega hissa fyrst og að reyna að átta mig á því hvað hefði gerst,“ segir hún. 

„Þetta var rosalega óþægilegt“

Vinkona Höllu lýsir atvikum svo: „Við vorum bara að skunda heim og ég heyri smell­inn þegar kúlan lendir í and­lit­inu á henni. Ég sá ekki fólkið í bílnum …