Tilkynnt hefur verið um þau sem til­nefnd eru til Blaða­manna­verð­launa árs­ins 2024. Verð­launin eru veitt í fjórum flokkum –  umfjöllun árs­ins, við­tal árs­ins, rann­sókn­ar­blaða­mennska árs­ins og blaða­manna­verð­laun árs­ins. Heim­ildin fékk þrjár til­nefn­ingar en fjórir blaða­menn eru til­nefndir.

Verð­launin verða afhent í Grósku 12. mars næst­kom­andi. RÚV hlaut flestar til­nefn­ingar.

Erla Hlyns­dóttir fékk til­nefn­ingu fyrir við­tal sitt við Agnesi M. Sig­urð­ar­dóttur, fyrr­ver­andi biskup Íslands og fyrsta kven­biskup lands­ins. „Blaða­maður nær trausti við­mæl­and­ans sem opnar sig í fyrsta sinn um þá skömm og nið­ur­læg­ingu sem hún upp­lifði eftir að óvissa kom upp um lög­mæti emb­ætt­is­gjörða hennar. Blaða­manni tekst þannig að sýna deilur innan Þjóð­kirkj­unnar í nýju ljósi í gegnum sögu bisk­ups,“ segir í rök­stuðn­ingi dóm­nefndar.

Sunna Ósk Loga­dóttir og Bjartmar Oddur Þeyr Alex­and­ers­son eru til­nefnd fyrir rann­sókn­ar­blaða­mennsku árs­ins fyrir frétta­skýr­ingar sínar um fyr­ir­tækið Running Tide. „Áhrifa­mikil umfjöllun sem afhjúpaði skýja­borgir fyr­ir­tæk­is­ins Running Tide sem seldi van­hugs­aðar lausnir á lofts­lags­vand­anum,“ stendur í rök­stuðn­ingi dóm­nefndar. 

Þá er Auður Jóns­dóttir er til­nefnd til blaða­manna­verð­launa árs­ins fyrir fjöl­breytt við­töl og umfjall­anir um menn­ingu og tján­ing­ar­frelsi. Í umsögn­inni eru sér­stak­lega nefnd við­töl hennar við Kristin Hrafns­son um mál Julians Assange og rit­höf­und­inn Salman Rushdie.

Hér að neðan má sjá til­nefn­ing­arnar í heild sinni:

Umfjöllun árs­ins 2024

• Berg­hildur Erla Bern­harðs­dóttir, frétta­stofu Stöðvar 2, Vísis og Bylgj­unnar, fyrir sjón­varps­þátta­röð­ina Vist­heim­ilin. 
• Guðrún Hulda Páls­dóttir, Bænda­blað­inu, fyrir umfjöllun um ein­okun á íslenskum mark­aði með koltví­sýr­ing sem er nauð­syn­legur í ylrækt. 
• Pétur Magn­ús­son, RÚV. Fyrir útvarps­þátta­röð­ina Skaða. 

Viðtal árs­ins 2024

• Erla Hlyns­dóttir, Heim­ild­inni, fyrir við­tal við Agnesi M. Sig­urð­ar­dóttur, fyrr­ver­andi biskup Íslands. 
• Eva Björk Bene­dikts­dóttir, RÚV, fyrir við­tal við Hafdísi Báru Ósk­ars­dóttur sem varð fyrir lífs­hættu­legri lík­ams­árás af hendi barns­föður síns og fyrr­ver­andi sam­býl­is­manns.
• Kolbeinn Tumi Daðason, frétta­stofu Stöðvar 2, Vísis og Bylgj­unnar, fyrir við­tal við Davíð Við­ars­son, þar sem sögu hins upp­runa­lega Davíðs Við­ars­sonar eru gerð skil.

Rann­sókn­ar­blaða­mennska árs­ins 2024

• Jóhann Bjarni Kol­beins­son og Árni Þór Theo­dórs­son, RÚV, fyrir umfjöllun um unga, fatl­aða ein­stak­linga sem vistaðir eru á hjúkr­un­ar­heim­ilum fyrir aldr­aða því önnur úrræði skortir í heil­brigð­is­kerf­inu.
• Sunna Ósk Loga­dóttir og Bjartmar Oddur Þeyr Alex­and­ers­son, Heim­ild­inni, fyrir frétta­skýr­ingar um Running Tide. 
• Urður Örlygs­dóttir og Arnar Þórisson, RÚV, fyrir fyrir umfjöllun um man­sal á mat­sölu­stöðum Quang Le.

Blaða­manna­verð­laun árs­ins 2024

• Auður Jóns­dóttir, Heim­ild­inni, fyrir fjöl­breytt við­töl og umfjall­anir. 
• Freyr Gígja Gunn­ars­son, RÚV, fyrir frétta­skýr­ingar í Spegl­inum. 
• Hólm­fríður María Ragn­hild­ar­dóttir, Morg­un­blaðið og mbl.is, fyrir umfjöllun um skóla­kerfi í vanda.