Áhugaleysi hjá nágrannasveitarfélögunum - „Þetta er auðvitað bagalegt“

Þrátt fyrir ítrekuð sam­töl hafa til­raunir Reykja­vík­ur­borgar til að fá Samtök sveit­ar­fé­lög á höf­uð­borg­ar­svæð­inu til sam­starfs ekki leitt til þess að sveit­ar­fé­lögin hafi sett fram áætl­anir um við­brögð við heim­il­is­leysi ein­stak­linga með miklar og flóknar þjón­ustu­þarfir og hafa lög­heim­ili utan Reykja­víkur en sækja þjón­ustu til höfð­uð­borg­ar­innar. Þetta kemur fram í end­ur­skoð­aðri aðgerða­á­ætlun Reykja­vík­ur­borgar fram til árs­ins 2027 í mál­efnum heim­il­is­lausra með mikla þjón­ustu­þörf sem sam­þykkt var í borg­ar­stjórn í vik­unni.

Vel­ferð­ar­svið Garða­bæjar, Hafn­ar­fjarðar, Kópavogs, Mos­fells­bæjar og Sel­tjarn­ar­ness ákváðu á vor­mán­uðum 2022 að fara af stað með sam­starfs­verk­efni í mála­flokki heim­il­is­lausra. Mark­miðið með verk­efn­inu var að meðal ann­ars að móta til­lögur um það hvernig bæta mætti þjón­ustu við þennan hóp með sam­eig­in­legu átaki aðild­ar­sveit­ar­fé­lag­anna. 

„Engar úrbætur hafa verið gerðar af hálfu umræddra sveit­ar­fé­laga í kjöl­far þess­arar vinnu sem bendir til áhuga­leysis sveit­ar­fé­lag­anna til úrbóta sem veldur því að þungi af mála­flokknum í Reykja­vík eykst,“ segir í aðgerða­á­ætlun Reykja­vík­ur­borgar þar sem fjallað er um áskor­anir í mála­flokknum.

„Önnur sveit­ar­fé­lög virð­ast hafa hafnað því að styðja við þennan hóp,“ segir í bókun sem Kolbrún Áslaugar Bald­urs­dóttir, áheyrn­ar­full­trúi Flokks fólks­ins í vel­ferð­ar­ráði lagði fram á síð­asta fundi ráðs­ins þar sem hún fjall­aði um áður­nefnt áhuga­leysi nágranna­sveit­ar­fé­lag­anna. Í bók­un­inni segir enn­fremur: „Þetta er auð­vitað baga­legt.“

Í aðgerða­á­ætl­un­inni er enn­fremur gagn­rýnt að Reykja­vík­ur­borg beri eitt sveit­ar­fé­laga hit­ann og þung­ann af þjón­ust­unni og hvetur til þess að ríkið móti sér stefnu í mála­flokknum, en Reykja­vík­ur­borg hefur ítrekað vakið athygli stjórn­valda á stöð­unni. 

Þessi skortur á sam­starfi sveit­ar­fé­lag­anna á sér ýmsar birt­ing­ar­myndir. Heim­ildin greindi frá því sum­arið 2023 að heim­il­is­laus karl­mað­ur svipti sig lífi eft­ir að hafa ver­ið vís­að frá neyð­ar­skýli í Reykja­vík. Ástæða frá­vís­un­ar­inn­ar var krafa Hafna­fjarð­ar­bæj­ar þar sem mað­ur­inn var með lög­heim­ili, en lög­heim­il­is­sveit­ar­fé­lag greiddi þá svo­kallað gistin­átta­gjald ef fólk þurfti að leita skjóls í neyð­ar­skýl­unum sem öll eru í Reykja­vík.

„Hann var með lög­heim­ili í Hafn­ar­firði og Hafn­ar­fjarð­ar­bær neit­aði að borga fyrir hann í gisti­skýl­inu. Honum var vísað frá því Hafn­ar­fjarð­ar­bær sagði bara Fokkaðu þér,“ sagði systir manns­ins í sam­tali við Heim­ild­ina.