Erlent

Biden kveður og varar við: „Í dag er auðræði að myndast“

Í kveðju­ávarpi sínu var­aði Joe Biden Banda­ríkja­for­seti við valda­sam­þjöpp­un auðs og tækni.

Biden kveður og varar við: „Í dag er auðræði að myndast“
Biden kveður Hann hóf feril sinn í stjórnmálum árið 1970. Nú, 82 ára gamall, víkur hann fyrir Donald Trump og óttast um framtíð lýðræðisins. Mynd: AFP
Birtist fyrir ári.

Um leið og hann státaði af góðri stöðu efnahagsmála og vopnahléssamningi Ísraels við Hamas var þungur tónn í kveðjuávarpi Joe Bidens Bandaríkjaforseta í gærkvöldi, eftir meira en hálfrar aldar feril í stjórnmálum. „Ég hef hugsað mikið um hver við erum, eða hver við ættum að vera,“ sagði Biden. Meira sagði hann þó um það sem hann segir að stefni í að verði, að lýðræði umbreytist enn meira í auðræði, þar sem þau ríkustu ráða og réttindi venjulegs fólks verði undir.

„Í kveðjuræðu minni í kvöld vil ég vara landið við ákveðnum hlutum sem valda mér miklum áhyggjum. Og það er hættan á samþjöppun valds í höndum fárra einstaklega auðugra einstaklinga, og hættulegar afleiðingar ef misnotkun þeirra á valdi er ekki stöðvuð. Í dag er auðræði að myndast í Bandaríkjunum, byggt á gríðarlegum auði, valdi og áhrifum, sem bókstaflega ógnar öllu lýðræði okkar, grundvallarréttindum og frelsi og jöfnum tækifærum.“

Sérstaklega kvaðst Biden óttast uppgang tæknibaróna, en þeir hafa í vaxandi mæli stutt verðandi forseta, Donald Trump, í verki og orðum.

„Bandaríkjamenn grafast undir flóði rangfærslna og villandi upplýsinga sem auðvelda misnotkun valds. Frjáls fjölmiðlun er að hrynja. Ritstjórar hverfa. Samfélagsmiðlar gefast upp á staðreyndaskoðun. Sannleikurinn er kæfður af lygum sem eru sagðar í þágu valds og gróða. Við verðum að draga samfélagsmiðla til ábyrgðar til að vernda börnin okkar, fjölskyldur okkar og sjálft lýðræðið gegn misnotkun valds. Á sama tíma er gervigreind mikilvægasta tækni okkar tíma, jafnvel allra tíma.“

Viðvaranir Bidens við endalok ferils hans koma í kjölfar þess að ríkasti maður heims, Elon Musk, studdi andstæðing hans, Donald Trump, með opinberum stuðningi og fjárframlögum sem áætluð eru milli 30 til 40 milljarðar íslenskra króna.

Þá hafa auðmenn og eigendur helstu tæknifyrirtækja, Jeff Bezos, eigandi Amazon, og Mark Zuckerberg, stofnandi og aðaleigandi Meta og þar með Facebook, lagt fram fjárframlög fyrir vígsluathöfn Trumps. Sömuleiðis kynnti Zuckerberg í síðustu viku að hætt yrði með staðreyndavöktun á Facebook. Báðir ætla að þeir að mæta á vígsluathöfn Donalds Trumps á mánudag.

Kjósa
13
Hvernig finnst þér þessi grein? Skráðu þig inn til að kjósa.
Efnisorð

Athugasemdir (1)

Skráðu þig inn til að skrifa athugasemd eða kjósa.
  • Helga Óskarsdóttir skrifaði
    16. janúar 2025 18:58
    Þarna sést hvað menntun þjóðar skiptir miklu máli. Það eru hinir ómenntuðu sem eru að kjósa Trump og kjósa frá sér lýðræðið. Demokratar hafa líka ekki sinnt þessum hópi nógu mikið,en Trump plataði fólk upp úr skónum.
    4
Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið

Mest lesið

Mest lesið í vikunni

Milljarða fjárfestingar Guðbjargar sem ekki sjást í skýrslunni
1
Úttekt

Millj­arða fjár­fest­ing­ar Guð­bjarg­ar sem ekki sjást í skýrsl­unni

Við­skipta­veldi Guð­bjarg­ar Matth­ías­dótt­ur bygg­ir fyrst og fremst á hagn­aði í sjáv­ar­út­vegi. Frá því að hún sett­ist í stjórn Ís­fé­lags­ins hafa nærri 15 millj­arð­ar streymt úr Ís­fé­lag­inu í Vest­manna­eyj­um til Guð­bjarg­ar og fjöl­skyldu. Hvorki hún né fjár­fest­ing­ar henn­ar koma fram í skýrslu sem unn­in var að beiðni Al­þing­is um eign­ir, eig­end­ur og fjár­fest­ing­ar stærstu út­gerð­ar­fé­laga lands­ins.
Halldór Jörgen Olesen
3
Aðsent

Halldór Jörgen Olesen

Hver borg­ar fyr­ir arð­semi bank­anna?

Ís­lensku bank­arn­ir græða nærri tvö­falt meira á hverri lán­aðri krónu en evr­ópsk­ir bank­ar. Há­ir stýri­vext­ir Seðla­bank­ans juku hagn­að­inn, en bjuggu hann ekki til. Skýr­ing­in ligg­ur í þrennu: að­eins þrír stór­ir bank­ar skipta mark­aðn­um á milli sín, verð­tryggð lán færa verð­bólgu­áhætt­una frá bönk­un­um yf­ir á heim­il­in, og krón­an lok­ar land­inu fyr­ir sam­keppni að ut­an. Töl­urn­ar stand­ast skoð­un og spurn­ing­arn­ar sem þær vekja gera það líka.
Samfylkingin klofnar vegna brottfararstöðvar: Hvað annað átti að gera?
4
Stjórnmál

Sam­fylk­ing­in klofn­ar vegna brott­far­ar­stöðv­ar: Hvað ann­að átti að gera?

Þing­nefnd­in sem fjall­aði um ný­sam­þykkta brott­far­ar­stöð fékk ábend­ing­ar og hug­mynd­ir að minnst tíu öðr­um leið­um sem hægt væri að fara en að setja börn í lok­að úr­ræði í brott­far­ar­stöð. Sam­fylk­ing­in virð­ist klof­in í af­stöðu sinni til máls­ins þó að þingl­ið flokks­ins hafi hreykt sér af sam­þykkt lag­anna.

Mest lesið í mánuðinum

Sáu sárin sem hún faldi
1
ViðtalElsku Embla

Sáu sár­in sem hún faldi

Þann 7. júní verða fimm ár lið­in frá frá­falli Emblu Arn­ars Katrín­ar­dótt­ur. And­lát henn­ar var harma­fregn fyr­ir sam­fé­lag­ið, en fjöl­skyld­an sat eft­ir með sorg­ina. Löngu áð­ur en Embla fékk grein­ingu var fjöl­skyld­unni orð­ið ljóst að hún væri orð­in al­var­lega veik, en vegna þess hve þög­ul veik­ind­in voru tók tíma að fá áheyrn. Jafn­vel þá skorti skiln­ing á stöðu barns­ins, sem svipti sig lífi og var jörð­uð á fimmtán ára af­mæl­is­dag­inn sinn.

Mest lesið í mánuðinum

Nýtt efni

Mest lesið undanfarið ár